Ayətullah Xamenei heç zaman öz şəxsi həyatında müsəlmanların beytül-malından istifadə etməyə icazə vermir. Onun dəftərxanasının işçilərindən biri deyir: "Bir gün Ağanın evində qənd bitmişdi, mən ona dedim ki, icazə verin dəftərxanadan evinizə bir az qənd gətirim. Ağa buyurdu: "Dəftərxananın qəndi oraya müraciət edənlər üçündür, biz başqa yerdən qənd almalıyıq”.

Belə bir diqqəti yalnız din böyüklərinin həyatında görmək olar. Bu hərəkət onun əzəmətinin və təqvasının ucalığından xəbər verir.

Höccətül-İslam Seyid Əhməd Xatəmi

Ayətullah Xamenei özünün prezidentlik dövründə ozamankı baş nazir mühəndis Mirhüseyn Musəviyə 50 minlik bir çek göndərib buyurur: "Beytül-maldan mənim şəxsi xərclərim üçün götürülən pul bu miqdardan artıq deyil. Siz bu pulu dövlətin büdcəsinə köçürün ki, mən borclu qalmayım”.

Bu çox mühüm məsələdir, ölkə prezidenti olarkən yaşayışı çox adi olan, ehtiyacları talonla ödənilən bir şəxs beytül-mala qarşı o qədər həssasdər ki, dövlət büdcəsindən öz şəxsi həyatı üçün hər hansı miqdarda pulun xərclənməsinən qorxur. Bu qayda bizim hamımız üçün və ölkənin vəzifəli məmurları üçün dərsdir. Biz də Böyük Rəhbər kimi beytül-mala qarşı həssas olmalı və diqqətlə əməl etməliyik.

Mühəndis Həmid Mirzadə

Mən İmam Xomeyninin həyatının bütün xüsusiyyətlərinin Böyük Rəhbərin vücudunda canlandığını görürəm. Onun sadə yaşayışı həzrət İmam kimi nümunədir. O, öz imamı kimi, beytül-malda göstərdiyi diqqətini Allah övliyalarından öyrənmişdir. Əgər insan onun həyatına və rəftarına diqqətlə baxsa, yalnız haqq adamlarından gözlənlən bir həqiqəti müşahidə edər.

Mən bir gün bir dostumla birgə Böyük Rəhbərin yanına getdim. Dostum çərçivəyə yerləşdirdiyi bir şəkli ona təqdim etdi. Şəkil Böyük Rəhbərin İranşəhrdə sürgündə olarkən çəkdirdiyi şəkil idi. Ağanın gözü şəklin çərçivəsinə düşdükdə buyurdu: "Əgər bunun xərcini öz şəxsi pulundan vermisənsə, hədiyyəni qəbul edirəm, amma əgər İnqilab Keşişçiləri Korpusunun pulu ilə hesablamısınızsa, qəbul edə bilmərəm”.

Ordu generalı Seyid Yəhya Səfəvi

Böyük Rəhbər beytül-mala olduqca diqqətlə yanaşır. Onun bu diqqəti beytül-malın öz yerində xərclənməsi, əlavə xərclərdən və yersiz israfdan qorunması üçündür. Onun rəsmi qonaqlıqlarında süfrəyə yalnız bir növ xuruş qoyulur. O, hətta qonaqlıqlarda da süfrəyə birdən artıq xuruşun qoyulmasına icazə vermir. Bu iş israfın qarşısını almaq üçündür. Mən bəzən şahid olmuşam ki, süfrədə heç bircə növ xuruş da olmayıb, hamı çörək və plov ilə özlərini doyurublar.

Ayətullah Misbah Yəzdi

Bir gün Böyük Rəhbərin qonağı idim. Süfrə açıldıqda Ayətullah Xamenei oğlu Mustafaya buyurdu: "Qalx, get”. Mən ona dedim: "İcazə verin o da otursun, mən ondan istəmişəm ki, bir yerdə olaq”. Ağa buyurdu: "Bu xörək beytül-maldandır, siz də beytül-mala qonaqsınız. Mənim uşaqlarım bu süfrə arxasında otura bilməzlər, onlar gedib ev xörəyindən yeməlidirlər”.

Mən o zaman anladım ki, Allah nəyə görə Ağaya bu qədər izzət vermişdir.

Ayətullah Cavadi Amuli