1957-ci ildə İsfahan ruhanilərindən biri ilə müqəddəs Məşhədə getdik. O zaman mən dini hövzə dərslərini İsfahanda sona çatdırmışdım və mübarək ramazan ayında dərslər tətil olduğundan, həzrət Əli ibn Musa Rzanın (ə) pak türbəti yanında mənəvi azuqə toplamaq istəyirdim.

Məşhəd şəhərinə daxil oldum və İmam Rzanı (ə) ziyarət etdikdən sonra Ayətullah Xamenei ilə görüşə nail oldum. Həmin vaxt o, xaric (ali ixtisas) dərsi oxuyurdu və əmmaməli idi. Böyük Rəhbər bizim Məşhəddə bir ay qalmaq fikrimizdən xəbər tutduqdan sonra bizi öz hücrəsinə dəvət etdi. Onun dəvəti mənim üçün çox sevindirici idi. Biz bir ay Ağanın qonağı olduq və onun hücrəsində qaldıq. Dərslər tətil olduğundan hücrə yalnız biz iki nəfərə aid idi. Bəzən Böyük Rəhbər bizə baş çəkirdi və biz onunla birgə şəhərin bəzi görməli və ziyarət yerlərinə gedirdik. Bir gün Ağa bizi zorxanaya (İranın klassik idman kubuna) dəvət etdi. Onun özü həmin yerdə idman edirdi. Onunla birgə zorxanaya getdik, o, meydana daxil oldu və idman etməyə başladı.

Ayətullah Müqtədai

Böyük Rəhbər həftədə bir neşə dəfə dağa çıxır. Bu poroqram saatlara uzanır. Onun hərəkət saatı və getdiyi yerlər müxtəlifdir. Bu proqram onun həmişəlik idmanıdır, amma bəzən qışda qar yağdıqda, bəzi məhdudiyyətlər yaranır. Dağa çıxmaq idmanı ağır idmandır, amma Allahın lütfü ilə Böyük Rəhbər bu idmanı çox şövqlə və kamil surətdə yerinə yetirir, bəzən elə olur ki, sübh namazını dağın başında qılır.

Ayətullah Xameneinin idman haqqında çox qəşəng sözü var, o ölkəmizdə idmana həvəsləndirənlərdən biridir. O, bu barədə buyurur: "İdman cavanlar üçün lazımdır, qocalar üçünsə vacib”. O həmişə idman edir.

Höccətül-İslam Məhəmmədi Gülpayiqani

Ağanın mütəmadi proqramlarından biri idmandır. O, idman zamanı həmişə dağa gedir. Bu proqramlardan birində iki at hazırlamalı idik ki, əgər ağa istəsə, minsin. Mən özümü at sahəsində peşəkar bilib, iki at hazırladım, sakit atı Böyük Rəhbər üçün seçdim, elə bilirdim ki, o, at minməkdə naşıdır. Onun əli üçün də nigaran idik və elə bilirdik ki, ata minmək üçün Ağanın köməyə ehtiyacı olacaq. Lakin minən vaxt onun özümdən artıq çevik olduğunu gördüm, məndən çox cəld ata mindi və bir peşəkar atçapan kimi dağlıqda atı irəliyə doğru sürdü. Maraqlı idi ki, o, atın əziyyət çəkməməsi üçün çox diqqətli idi. Bu dərs bizim üçün çox ibrətamizdir. O gün bizim başqa dərsimiz idmana olan diqqət idi. Ağa bu yaşında müxtəlif idmanlarda sürəkli məşqlərinə görə belə bir ruhiyyəyə malikdir.

General Əli Fədəvi

Mübarək ramazan ayında gün batmazdan öncə ağanın şəhid ailələri ilə görüşü vardı. Bu görüş iki satdan artıq çəkirdi və bütün bu müddətdə Böyük Rəhbər ayaq üstə dayanırdı. Gündəlik işlərin yorğunluquna və mübarək ayın orucunun günbatan zamanı adətən bədəndə zəiflik yaratmasına baxmayaraq, Ağanın şəhid ailələrinə məhəbbəti azalmırdı, onlarla ayaq üstə dərdləşirdi. Bu növ rəftar onun şəhid ailələrinə qarşı çox böyük qayğısını göstərir. Hamı iftarda Ağanın qonağı idi, mən də süfrə başında Böyük Rəhbərə dedim: "Siz belə dayanıb ürək sözlərinə qulaq asarkən yorulmursunuz?” Ağa buyurdu: "Yox, mən idman etdiyimdən, yorulmuram”.

Höccətül-İslam Məhəmməd Həsən Rəhimiyan