Qida övlad şəxsiyyətinin formalaşmasında çox təsirlidir. Əgər uşağın nütfəsi (sperma) haramdan əmələ gələrsə və ya ana hamiləlik dövründə haram yemək yeyərsə uşağın xilqətində bədbəxtçilik zəminəsi yaranır. Həmçinin əgər uşaq haram yeməklərdən yesə bəxti qara və ya bədbəxt olacaqdır.

Həzrət Fatimeyi Zəhra (salamullahi-əleyha)-nın təvəllüdünün müqəddiməsindən biri budur ki, Allah-Taala Öz Rəsulu (səlləllahu əleyhi və alih) və həzrət Xədiceyi-Kübraya (salamullahi-əleyha) camaatdan uzaqlaşmalarını əmr edir. Bu zaman Rəsuli Əkrəm (səlləllahu əleyhi və alih) qırx gecə-gündüz "Həra” dağına gedib, ibadətlə məşğul oldu. Həzrət Xədicə (sə) bu müddət ərzində yalnız ev işləri ilə məşğul olub, heç kəslə rabitə saxlamadı. Daha sonra Peyğəmbərə əmr olundu ki, evə getsin. Qırxıncı gecə Cəbrail Allahdan xəbər yetirib dedi: "Ya Mühəmməd, Allah sənə salam deyir. Bu almanı da Behiştdən sənin üçün göndəribdir. Peyğəmbər (səlləllahu əleyhi və alih) almanı götürüb sinəsinə sıxır, iki yerə bölündüyü andan nur saçmağa başlayır. Cəbrail dedi: "Ya Rəsuləllah, bu nur bir xanımdır ki, onun göylərdəki adı Mənsurə, yerdəki adı isə Fatimədir.”("Nisa” surəsi, ayə:3)

Yuxarıda qeyd olunan hədisdən yeməyin övlad şəxsiyyətindəki böyük əhəmiyyətini anlamaq olar.

Quran bu barədə belə buyurur:

Əlbəttə, asiman və mələklər aləmini görənlər bu cür adamların od yeməyini zahiri gözləri ilə görəcəklər. Oddan bağlanan bir nütfənin gələcəkdə necə cinayətlərə əl uzadacağı məlumdur.

Beləliklə nütfəsi (sperma) riba (sələm), oğurluq, ümumiyyətlə haram maldan tutulan uşağın gələcəkdə də onu harama tərəf sövq etməsi təbiidir.

Münasib və qüvvətləndirici yemək uşaq cisminin gözəllik və lətafətində müsbət təsirə malikdir. Hədislərdə deyilib: ana hamilə olarkən qüvvətləndirici yeməklərdən, məsələn, alma, heyva, xurma və s. yesin("Nisa” surəsi, ayə:10) ki, uşağın gözəllik, lətafət və dözümlü olmasında bu kimi yeməklərin böyük təsiri vardır.

İmam Sadiq (əleyhissalam) gözəl bir uşağa baxıb buyurdu:

"Çox güman ki, bu uşağın atası yaxınlıq etdiyi gecə heyva yemişdir.”

Müasir alimlərin nəzərincə yeməyin hamiləlik dövründə uşağın surətinin gözəlliyində, bədəninin normal olmasında, saçının, gözünün və eləcə də bədənin lətafətində çox böyük təsiri vardır. Pak, təmiz və ətirli yeməyin uşağın zahirinə münasib təsiri olduğundan, haram və şübhəli yeməklərin də mənfi təsiri neçə dəfə çox, həssas və mühümdür.

Bundan əlavə, yemək yeməyin qaydası övladın ruhiyyəsində təsirlidir, belə ki, yeməyin əvvəlində "Bismillah” və yeməkdən sonra "Əlhəmdulillahi-Rəbbil aləmin” demək və yeməyin digər ədəblərinə riayət etmək insan şəxsiyyətinin formalaşmasında və gələcək nəslin gözəl tərbiyəsində çox böyük təsirə malikdir.

Mərhum Əllamə Məhəmməd Təqi Məclisidən bir hekayə nəql olunub ki, Quran ayələri və hədislərə müvafiqdir. O, İsfahanın "Cümə” məscidində namaz qılarmış. Bir gecə Əllamə oğlu Məhəmməd Baqir Məclisini də özü ilə məscidə gətirir. Lakin uşaq məscidə daxil olmaq istəmir və məscidin həyətində oturur. Atası gedəndən sonra məscidin həyətindəki su tuluğuna bir iynə batırıb ondan axan su ilə oynamağa başlayır. Namazdan sonra atası bu işdən xəbər tutub narahat olur. Evə gəlib yoldaşına deyir: Mən övladımızın nütfəsi bağlanmamışdan əvvəl və sonra İslamın ədəb və qaydalarına riayət etməyimdə, yeməyimdə bütün səyimi göstərmişəm, amma onun bu günkü hərəkəti bizim ikimizdən birinin təqsirkar olmasından söz açır. Bu nə olan işdir?

Uşağın anası deyir: Hamilə olduğum zaman qonşunun evinə getmişdim. Onların həyətindəki nar ağacı diqqətimi cəlb etdi. Könlüm nar istədiyindən ağacdakı nara iynə batırdım ki, onu dadam.

Beləliklə, görürük ki, o ananın hamilə dövründə qonşunun ağacının narına batırdığı iynə uşağın şəxsiyyətinin formalaşmasında mənfi təsirli olmuş, onun rəftarında özünü göstərmişdir. Haram maldan hazırlanmış yeməyi yemək, insanın hər hansı bir yaşayış zamanında olursa olsun onda namünasib əsər qoyub və onun rəftarında özünü büruzə verəcəkdir. Çox vaxt haram yemək zahid və abidləri belə dünya toruna salaraq onları harama doğru sürükləmişdir.

Quran buyurur:

"(Ey şeytan, Adəm övladından hər kəs sənin ardınca getsə) Öz malın və övladlarınla gedib onlarla şərik ol və yalan vədələrlə onları aldadıb, məğrur et. Bəli! Şeytanın vədəsi yalan və qürurdan başqa bir şey olmayacaqdır.”(Hədisdə buyurulur ki, öz qadınlarınıza heyva yedizdirin ki, bu iş sizin uşaqlarınızın xilqətini gözəl edər. Peyğəmbər (s) buyurur: "Hamilə qadının doğmalı olduğu ayda ona xurma versəniz, dünyaya gətirdiyi uşaq dözümlü və təqvalı olacaqdır.” ("Məkarimül-əxlaq”, səh.87))

Hədisdə deyilib ki, şeytanın şərik olması nümunələrindən biri də uşağın nütfəsinin haram yeməkdən bağlanmasıdır. Yəni, əgər uşağın nütfəsi atasının haram bir fikirdə olması zamanında bağlansa ya uşaq layiqi surətdə tərbiyə olunmasa ondan əməlisaleh insan olmayacaqdır. Həqiqətdə şeytan bu uşağın tərbiyəsində ata-anası ilə şərik olmuşdur.

Məhz elə buna görə də öz yeməklərinizdə halal-harama riayət edərək yeməyi dua, Allah-Taalanın adı, məsumları xatırlamaq və xalis əqidə ilə yeməyiniz lazımdır. Əgər müsəlman qəlbinin aynası paslanmasa və İslamın hökmlərinə qarşı bəndəçiliyi olarsa, çox işlər görə biləcəkdir. "Bismillahir-Rəhmanir-Rəhim” zikri ilə şübhəli yeməyin əsəri aradan gedir. Buna görə də analar uşaqlarına süd verərkən və ya onların ağzına yemək qoyarkən "Bismillahir-Rəhmanir-Rəhim” zikrini söyləmə-lidirlər.