 MÜQƏDDİMƏ Allah-Təala öz hikmət və mərhəmətilə vəhy əmanətdarına, peyğəmbərlərin sonuncusu Muhəmməd Mustəfanın (s) pak, nurani qəlbinə قُل لَّا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَى "De: Mən [Peyğəmbər] sizdən bunun (risalətimin) müqabilində qohum-əqrabama qarşı məhəbbətdən başqa heç bir şey istəmirəm"(Bu, «Səqəleyn» hədisinə işarədir. Həmin hədisdə Peyğəmbər (s) buyurmuşdur: «Mən sizin aranızda iki qiymətli (dəyərli) əmanət qoyub gedirəm. Biri Allahın kitabı, o birisi də Əhli-beytimdir. Bunlar (Cənnətdə) Kövsər bulağının başında mənə qovuşmayanadək bir-birindən ayrılmazlar. Bunların ardınca getsəniz, heç vaxt yolunuzu azmazsınız.» )kəlamını vəhy etdikdə qəlbi pak möminlər bunu başa düşdülər ki, Allahın Rəsuluna (s) və dərgahına yaxın olmağın yeganə yolu sonuncu Peyğəmbərinin (s) xanədanına əməldə və qəlbdə məhəbbət bəsləməkdir. Bu məhəbbətin nəticəsi möminlərin xeyrinədir və onların xoşbəxtliklərini təmin edir. İslam Peyğəmbəri (s) Allahın əmri ilə açıq-aşkar belə buyurmuşdur: قُلْ مَا سَأَلْتُكُم مِّنْ أَجْرٍ فَهُوَ لَكُمْ "Sizdən istədiyim əcr (əhli-beyt məhəbbəti) sizin özünüz üçündür, öz xeyrinizədir"(əş-Şura surəsi, ayə 23. ) Odur ki, Peyğəmbəri-Əkrəm (s) dünyadan köçərkən ümmət arasında iki böyük qiymətli əmanət – Allahın kitabını və öz itrətini qoyub getmiş və "Bu iki əmanətin ətəyindən yapışsanız, nicat tapar, əks-təqdirdə isə həlak olarsınız" – deyə buyurmuşdur(Səbə surəsi, ayə 47. ). إنما مَثلَ اهل بيتي فيكم كمثل سفينة نوح من ركبها نجا و من نخلف عنها هلك "Mənim əhli-beytim Nuhun gəmisinə bənzəyir, hər kim ona süvar olsa, nicat tapar, hər kim ondan ayrılsa, həlak olar."(Səqəleyn hədisinə işarədir ki, Peyğəmbər (s) buyurmuşdur: "اني تارك فيكم الثقلين كتاب الله و عترتي اهل بيتي لن يفترقا حتي يري عليَّ الحوض ان تمسكتم بهما لن تضلوا الدا " "Mən sizin aranızda iki qiymətli əmanət qoyuram: Allahın kitabı və əhli-beytimi. Kِvsər hovuzunun yanında mənimlə gِrü؛ənədək bunların ikisi bir-birindən ayrılmayacaqdır. Əgər bunların ikisindən mِhkəm yapı؛sanız, heç vaxt yolunuzu azmayacaqsınz". ) Odur ki, Peyğəmbərin (s) əhli-beytinə eşq bəsləyən möminlər وَابْتَغُواْ إِلَيهِ الْوَسِيلَةَ "Onun (Allahın) dərgahına (yaxın olmaq üçün dərgaha yaxın olanlardan və saleh əməllərdən) özünüzə vəsilə tutun"(Səfinət" hədisinə i؛arədir. ) – ayəsinə əsaslanaraq əhli-beytin pak vücudunun şamı ətrafında pərvanə kimi fırlanır, dərdlərinin şəfası və arzularının həyata keçməsini onların vasitəsilə Allahdan diləyirlər. Əhli-beyt Allah dərgahına ən yaxın bəndələr olduğu üçün duaları müstəcab və şəfaətləri qəbuldur. Onlar Quranın təfsirçiləridir, ayələrin izah və şərhini onlardan soruşmaq lazımdır. Onlar ilahi hökmləri bəyan edənlərdirlər, hökmlərin düzlüyünü onlardan soruşmaq lazımdır. Onlar pak-pakizə nurlardırlar. Onlar həqiqət nurudur və həqiqət nurunu onlarla birlikdə olanlar dərk edər. Nəhayət, onlar elə şəxslərdir ki, dünya və axirət xoşbəxtliyini onların vilayətində aramaq lazımdır. Azərbaycan Respublikasının müsəlman xalqı keçmiş əsrlərdən bəri ismət və təharət xanədanının vilayətinə könül verərək məhəbbət bəsləmişlər. Hər zaman onların ziyarətinə tələsib, mübarək hərəmlərinə qədəm qoymuşlar. Vəliyyi-fəqihin Azərbaycan Respublikasında olan nümayəndəsi Azərbaycanın əhli-beytə məhəbbət bəsləyən xalqına dini və mədəni xidmət məqsədilə ziyarətgahların zəvvarları üçün yol azuqəsi hazırlamaq niyyətindədir. Ümid edirik ki, bu kiçik xidmət vilayət sahibləri tərəfindən qəbul edilib istifadə olunacaqdır. Möhtərəm oxucuların ixtiyarına təqdim olunan bu kitab səkkizinci imam Əli ibn Musa ər-Riza (ə), Həzrət Məsumə (ə) və Həzrət Əbdüləzimin ziyarətlərinin hikmətlərindən, fəzilətlərindən və ziyarətnaməsindən ibarətdir. Allah-Təaladan diləyirik ki, İslama, müsəlmanlara daha çox xidmət etmək şərəfini bizlərə nəsib etsin. | 
