İslam-Kitabxanasıİslam-Kitabxanası

Azan vaxtları
Saytda axtar
Saytın menyusu
Kitabxana əxlaq
Zərif nöqtələr [5]
Böyük rəhbər ayətullah Xameneinin həyatından əhvalatlar [16]
Həyat dərsi [5]
İslam dünyagörüşü - Cəmiyyət və tarix [16]
İnsan və mənəviyyat [10]
İmam Hüseynin (ə) əxlaqi görüşləri [0]
Xəbərdarlıq [3]
“Miratur-rəşad” (hidayət güzgüsü) [15]
İslamda ailə 2 [16]
İslamda ailə 1 [16]
Fəsad sərçeşməsi (Şeytan tələsi) [6]
İslamda Əxlaq 2 [20]
İslamda Əxlaq 1 [26]
İmam Sadiqin (ə) bəyani ilə yaranışın sirləri [8]
Siddiqeyi-Tahirə (ə) 2 [13]
Siddiqeyi-Tahirə (ə) 1 [12]
Ailə səadətinə necə nail olaq? [18]
Kumeyl duasının şərhi 2 [13]
Kumeyl duasının şərhi 1 [12]
Minacatın əzəməti [13]
Ey ata, ey ana, biz müttəhimik [5]
Qadın - Fatimə Fatimədir [14]
Nəsihətlər [26]
İslam dünyagörüşü - Əbədi həyat [5]
Din təlimləri 2-ci cild (Uşaqlar və yeniyetmələr üçün dərslik) [30]
Din təlimləri 1-ci cild (Uşaqlar və yeniyetmələr üçün dərslik) [31]
İslam dünyagörüşü - İnsan Quranda [5]
İnsanı tanımaq [21]
Axirət azuqəsi 2-ci cild (Peyğəmbərin (s) Əbuzərə nəsihətləri) [24]
Axirət azuqəsi 1-ci cild (Peyğəmbərin (s) Əbuzərə nəsihətləri) [19]
Ariflərdən [9]
İslam dunyagörüşü İnsan və iman [6]
Əxlaqi və psixoloji çatışmazlıqların araşdırılması [19]
İslam və qərb mədəniyyəti [15]
Əbədi öyüd (ikinci cild) [22]
Əbədi öyüd (birinci cild) [23]
İlahi nəsihətlər [15]
Gəncliyin yeddi səması (zəruri dini biliklər) [9]
İslamda nümunəvi qadınlar – Fatimə (ə) [149]
Günahşünaslıq [19]
Nəfsin saflaşdırılması [24]
İslamda qəhrəman qadınlar [20]
Kəramət sahibləri [13]
Kamil insan [30]
Şəhadət yatağında Mövlanın (ə) öyüdü [17]
Rəbbin dərgahında [22]
İmam Hüseynin (ə) əxlaqi görüşləri [11]
İbrət güzgüsü [14]
İmam Zamanla görüşənlər [15]
Allaha doğru [33]
Allahın elçisi [20]
Sadiq yol axtaranlar üçün imam Sadiqin (ə) nəsihətləri [29]
Məhəbbət iksiri [26]
Hicab [14]
Kaş valideynlərim biləydi! [14]
Ayətullahül-üzma Behcətin həyatı [14]
Nəfsi saflaşdırmadan qabaq özünütanıma [4]
Övsafül-Əşraf [7]
Gənc ailələr üçün göstərişlər [6]
Əxlaq elmində 50 dərs [51]
İslamda övlad [1]
Islamda evlənmə və ailə hüququ-2 [11]
Islamda evlənmə və ailə hüququ-1 [13]
Bizim sorgumuz
Ramazan ayında oruc tutmusuzmu?
Total of answers: 1824
Saytın menyusu
Şərhlər: 14
Rəsmlər: 618
Əxlaq: 1118
Müxtəlif: 481
Etiqat, Tarix, Fəlsəfə: 1448
Quran, Hədis, İslam təlimləri, Fiqh: 1131
Statistika

Burda olanlar 1
Qonaqlar 1
İstifadəçilər 0
Son qeydiyyatçılar
  • Jafidlop
  • ElvinAliyev1986
  • ZauriceGar
  • Zartysot
  • Gunahsiz1gun
  • Ceyhun630
  • kami
  • artpak2012
  • zeyneb_a_va
  • Famesbar
  • Main » Files » Tarix » Ziyarətmnamələr

    Ziyarətmnamələr
    2012-02-19, 7:04 AM
    II FƏSİL
    MƏŞHƏD ZİYARƏTİ
    MƏŞHƏDİN TARİXİ
    "Məşhəd" sözü "şühud", "hüzur" və "şəhadətgah" (şəhid olunan yer) mənasındadır, və bu "məşahid" məşhəd sözünün cəmidir. Məşhəd və məşahid sözləri hicri-qəməri təqvimi ilə üçüncü yüzillikdə imamların (ə), övliyaların və tanınmış şəxslərin məzarlarına aid edilirdi. Məsələn, o dövrdə belə deyilirdi: Morğabın Məşhədi (Fars əyalətində), Mihənənin Məşhədi (Əbu Səid Əbülxeyrin məzarı) və Tus Məşhədi, yaxud Rəzəvi Məşhəd (Xorasanda imam Əli ibn Musanın (ə) türbəsi).
    "Surətul-ərz" kitabının müəllifi ibn Həvqəl (367-ci h.q) yazır: "Əgər Tus da Nişapur vilayətinə aid olsa, o zaman onun şəhərləri Raykan, Təbəran və Noğandan (Toroğuz) ibarət olacaq. Əli ibn Musa ər-Rizanın (ə) qəbri Noğan şəhərinin yaxınlığında Sənabad kəndində yerləşir."
    202-ci (h.q.) ildə Həzrət Riza (ə) Məmun Abbasinin əli ilə şəhadətə yetirildikdən sonra Sənabadda Harunun məqbərəsində torpağa tapşırıldı. Bundan sonra Noğanın Sənabadı "məşhəd" adı ilə tanındı və zaman keçdikcə şəhər genişlənməyə başladı. Xüsusilə, Şah Təhmasib Səfəvinin dövründə şəhər bir az da vüsət aldı və Tus əhalisi də Məşhədə köçürülməyə başladı. Tus Xorasanın şimal nahiyəsində Kəşfrud çayının yuxarısındakı yolda yerləşir və onun məşhur şəhərləri bunlardır: Noğan, Tabran, Radkan. Noğan üçüncü (h.q) yüzilliyin sonlarına qədər çox əhəmiyyət və etibara malik idi. Onun viranələri Məşhədin qərb hissəsində Hüseynabad və Mehrabad kəndləri yaxınlığında yerləşirdi. Ondan sonra Tabəran şəhəri əhəmiyyət və vüsət tapdı və sonralar Tus adı ilə tanındı. Nəhayət, öncə Sənabadda yerləşən bir məzara şamil edilən Məşhəd şəhəri yavaş-yavaş genişlənməyə başladı. 830-cu (h.q) ildən başlayaraq Noğan adı unuduldu və Tus (əslində Tabəran) şəhəri viran oldu. Onun yerini Məşhəd tutdu. Nəhayət, Səfəvilərin dövründə Tus əyalətinin və Xorasanın mərkəzinə çevrildi.
    Məşhədin və Tusun fəthi 31 və 32-ci (h.q.) ildə Osmanın xilafəti zamanı müsəlmanlara nəsib oldu və Əbdülməlik Mərvanın (65-86 h.q.) xilafəti zamanı Bəni Təmim ərəbləri Tus qalasını ələ keçirdilər və 125-ci (h.q.) ilə qədər əldə saxladılar. 192-ci (h.q.) ildə Harun ər-Rəşid bu diyara səfər etdi və Tusda xəstələnərək öldü. Onu imam Rizanın (ə) dəfn olunduğu yerdə basdırdılar.
    Bu şəhər Səlcuqilərin, İran Elxanlarının, monqolların və başqa qarətçilərin hücumlarına məruz qalmış və bir neçə dəfə viran edilmişdir. Yalnız Səfəvilərin dövründə Məşhəd şəhəri xüsusi rövnəq tapmış və öz abadlığını bərpa etmişdir.
    Məşhədin məşhur ziyarətgahları
    Şəhərin ən mühüm ziyarətgahları və tarixi abidələri bunlardır: Həzrət imam Rizanın (ə) pak hərəmini, Gövhərşad məscidini, Pirizad mədrəsəsini, Balasər mədrəsəsini, Şeyx Bəhainin məqbərəsini, Balasər məscidini, Zərrin Səqqaxanasını və s.-ni əhatə edən Astani-qüds-Rəzəvi, Şah məscidi, Xacə Rəbi, Qonbəde-Səbz (yaşıl günbəz), Nadir şahın məqbərəsi və s.
    İMAM RİZANIN (Ə) HƏYATINA QISA BİR BAXIŞ
    Adı: Əli
    Ləqəbi: Riza, Sabir, Fazil, Rəzi.
    Künyəsi: Əbülhəsən
    Doğum ili: 148-ci hicri-qəməri ili, zilqədə ayının 11-i, (765-ci miladi ili)
    Şəhadəti: 203-cü hicri-qəməri ili, səfər ayının 29-u (təqribən 820-ci il).
    Ömür müddəti: Əlli beş il.
    İmamlıq müddəti: İyirmi il.
    Doğulduğu yer: Mədinə şəhəri.
    Dəfn olunduğu yer: Tus (Xorasan).
    Həyat yoldaşı: Umm-Həbibə.
    Atasının adı: Musa ibn Cəfər (ə).
    Anasının adı: Nəcmə.
    Övladı: Muhəmməd (Təqi, Cavad (ə))
    İMAM RİZANIN (Ə) HƏYATI
    Şiələrin səkkizinci imamı və rəhbəri Əli ibn Musa Riza (ə) 148-ci hicri ili, zilqədə ayının 11-i, cümə axşamı, Mədinə şəhərində dünyaya gəlmişdir. Mübarək adı Əli, künyəsi Əbülhəsən, məşhur ləqəbləri Riza və Ali-Muhəmməd alimidir. Atası şiələrin yeddinci imamı Musa ibn Cəfər (ə) onu "Ali-Muhəmməd Alimi", yəni Muhəmməd (s) nəslinin alimi adlandırmışdır. Şeyx Səduq İbrahim ibn Abbasdan belə nəql edir: "Heç görmədim ki, imam Əli ibn Musa Riza (ə) kimisə öz sözü ilə incitsin və görmədim ki, kiminsə sözünü kəssin və ya kiminsə sözünün arasında söz desin. Onunla söhbət edən şəxsin qarşısında durarkən bir yerə söykənməzdi və birlikdə oturduğu adamın yanında ayağını uzatmazdı. Öz xidmətçilərinə nalayiq sözlər deməzdi. Heç vaxt imamın tüpürdüyünü və o həzrətin qəh-qəhə çəkdiyini görmədim. O yalnız gülümsəyərdi."
    "Həzrət Əli ibn Musanın (ə) həyatı" kitabında ibn Şəhraşubdan nəql olunur ki, o həzrət Ərəfə günü Xorasanda bütün var-dövlətini bir nəfərə bağışladı. Yenə həmin kitabda yazılıb ki, Kuleyni Üsuli-Kafi kitabında və ibn Səhriaşub Əlyəsə ibn Həmzə Qumidən nəql edir ki, bir gün mən həzrət Rizanın (ə) hüzurunda idim. Bir dəstə adam imamdan halal-haram məsələlərini öyrənirdilər. Bu zaman bir kişi daxil oldu və salam verərək ərz etdi: "Mən sənin və əcdadının dostlarındanam. Həccdən qayıdıram, lakin səfər büdcəm azalıb. Belə ki, məni evimə çatdıracaq bir pulum yoxdur. Xahiş edirəm, mənim yol xərcimi ödəyin ki, mən vətənimə çatım. Orada mənim imkanım var və vətənə çatan kimi mənə verdiklərinizi sizin adınızdan sədəqə verərəm." Həzrət ona oturmaq icazəsi verərək buyurdu: "Allah sənə mərhəmət etsin." Kişi ilə bir az söhbət etdikdən sonra qalxıb içəri keçdi, bir azdan qayıdıb qapını bağladı və mübarək əlini qapının yuxarısından çıxarıb buyurdu: "Xorasanlı haradadır?" Xorasanlı ərz etdi: "Buradayam." İmam buyurdu: "Bu iki yüz dinarı al, əhli-əyalına xərclə və ondan təbərrük kimi istifadə et. Çıx get ki, mən səni görməyim və sən də məni görməyəsən." Ravi deyir: "Kişi getdikdən sonra həzrətə ərz etdim: "Qurbanın olum! Ona mərhəmət buyurdun, bəs nə üçün onu görmək istəmədin?" İmam buyurdu: "Ona görə ki, onun üzündə zəlillik ifadəsini görməyəm."
    İmam Riza (ə) təqva və ibadətdə elə bir bir səviyyədə idi ki, bütün günü ibadət və zikrlə məşğul olurdu. Elmdə isə o dərəcədə idi ki, ona "Ali-Muhəmməd (ə) alimi" ləqəbi verilmişdi. İmam Musa ibn Cəfərdən (ə) nəql olunub ki, buyururdu: "Atam Cəfər ibn Muhəmmədin (ə) dəfələrlə mənə belə buyurduğunu eşitmişəm: "Ali-Muhəmmədin (ə) alimi sənin nəslindəndir. Kaş mən onu görəydim. O Əmir əl-mömininin (ə) adaşıdır."
    İmam Rizanın (ə) mübarək ömrü ibadət, din təbliği, əlsiz-ayaqsızlara kömək və başqa müqəddəs əməllərlə keçirdi. Lakin digər imamlar kimi o Həzrət də o dövrün hakim qüvvələri tərəfindən arxayın və azad yaşaya bilmədi.
    Beləliklə, imamın həyat tərzi insanların qəlbində ona qarşı fövqəladə məhəbbət yaratmışdı. Bundan qorxuya düşən Abbasi hökuməti imamı Mədinədə real təhlükə hesab edirdi. Mühəvvəl Sistani deyir: "Məmunun qasidi (imamı Xorasana dəvət etmək üçün) imam Rizanın (ə) yanına gələndə mən Mədinədə idim. Həzrət məscidə daxil olub bir neçə dəfə babası Peyğəmbərlə (s) vidalaşdı. Hər vidadan sonra qayıdıb qəbri yenidən ziyarət edir və ağlayırdı. Yaxınlaşıb salam verdim. Salamıma cavab verdi və mən onu (Xorasan səfəri üçün) təbrik etdim." İmam buyurdu: "Bu sözdən əl çək. Mən babamın qonşuluğundan ayrılacam. Mən qürbətdə öləcəm və Harunun yanında dəfn olunacam." Mən də Həzrətlə getdim və özü buyurduğu kimi Tusda dünyadan köçdü və Harunun yanında torpağa tapşırıldı."(Bihar ul-Ənvar, c.69, s.237 )
    Hicri-qəməri təqvimi ilə 200-cü illərin sonlarında Məmun İmamı (ə) Mədinədən Mərvə dəvət etdi. Əlbəttə, bu zahirdə vəliəhdlik üçün həyata keçirilmişdi. Əslində isə Məmun İmamı (ə) bu işə məcbur etmişdi və bu yolla imamın tərəfdarlarının rəğbətini qazanmaq, eyni zamanda o Həzrəti dünyapərəst kimi tanıtmaq istəyirdi. İmamın (ə) Mədinədən çıxıb, əhli-əyalı ilə vidalaşarkən düşdüyü hal buna sübutdur. Belə ki, o cənab son vida imiş kimi vidalaşaraq onun üçün ağlamalarını istəmişdi.
    Yol boyu İmam (ə) hansı yaşayış məskəninə yetişirdisə, camaat kütləvi şəkildə onu qarşılamağa çıxırdı. Belə şəhərlərdən biri də Nişapur idi. Bu şəhərə yaxınlaşarkən İmamın (ə) pişvazına saysız-hesabsız adam çıxmışdı. Tarixçilərin yazdığına görə imamı qarşılayanların sayı yüz min nəfəri keçirdi. Yazırlar ki, səs-küy, basabas və həyəcan o qədər çox idi ki, heç kəs o cənabla görüşə nail ola bilmirdi. Nəhayət, camaatın gözə çarpacaq dərəcədə böyük bir hissəsini təşkil edən alimlər belə qərara gəldilər ki, imamdan hədis söyləməsini xahiş etsinlər. Hamı bir-birini sakitləşdirməyə başladı. Ağlayanlar, sevincindən gülənlər sakitləşdikdən sonra İmam (ə) məşhur "Silsilət uz-zəhəb" (qızıl zəncir) hədisini ata-babasından bir-bir sitat gətirərək buyurdu: "Babam Əmir əl-mömininin (ə) Peyğəmbərdən (s), o isə Cəbraildən nəql edir: Allah-Təaladan eşitdim ki, buyururdu:
    كلمة لا اله الّا الله حصني فمن دخل حصني امن من عذابي
    "La ilahə illəllah" kəlməsi mənim hasarım və qalamdır, hər kəs mənim qalama daxil olsa (yəni hər kəs bu tövhid kəlməsinə etiqad bəsləsə), əzabımdan amanda olar. Sonra İmam (ə) bir anlıq sükut edərək buyurdu:
    بشرطها وشروطها و انا من شروطها
    "Əlbəttə, şərtləri ilə birlikdə. Mən də onun şərtlərindən biriyəm."
    Tarixçilərin yazdığına əsasən iyirmi dörd min nəfər əlində qələm-kağız bu hədisi yazırdı və bu rəqəm pişvaza gələn izdihamın çoxluğunu göstərir.
    Yolda digər maraqlı hadisələrdən biri də Tusda baş verdi. İmam (ə) Tus şəhərinin valisinin evinə getdi. Harun ər-Rəşidin qəbri də həmin evdə yerləşirdi. İmam qəbri müşahidə etdikdən sonra əli ilə onun yanında bir xətt çəkdi və o buyurdu: "Mən burada dəfn olunacağam, Allah-Təala bu məkanı məni sevənlərin get-gəl yeri edəcək. Allaha and olsun hər kəs məni ziyarət etsə və mənə salam versə, biz əhli-beytin şəfaəti ilə bağışlanacaq..."
    Məmunun əmri ilə bütün dövlət xadimləri, alimlər və çox adamlar Mərvdən bir neçə kilometr kənarda İmamı (ə) qarşılamağa çıxdılar. Mərv şəhəri isə çilçıraqlarla bəzədilmişdi. Məmun o cənabı çox hörmətlə qarşıladı və öz evinin yanında tikdirdiyi evi İmama (ə) verdi. Məmunun evi bir qapı ilə İmamın (ə) evinə birləşirdi və imamın yaşadığı ev hər cür şahanə imkanlara malik idi. Bir neçə gün istirahətdən sonra Məmun bir məclis düzəltdi və imama xəlifə olmağı təklif etdi. İmam Riza (ə) ona belə cavab verdi: "Əgər bir xilafət sənin haqqındırsa, niyə öz haqqını başqasına verirsən və əgər sənin haqqın deyilsə, onu başqasına verməyə ixtiyarın yoxdur." Məmun cavab tapmasa da, israr etdi. Faydasız olduğunu görüncə, vəliəhd olmağı İmama (ə) təklif etdi. İmam (ə) buyurdu: "Mən necə sənin vəliəhdin ola bilərəm? Halbuki atam öz ata-babasından, onlar da Allahın Rəsulundan (s) nəql etmişlər ki, mən səndən əvvəl öldürüləcəyəm və qürbət diyarda, Harunun qəbrinin yanında dəfn olunacağam."
    Məmun ağlaya-ağlaya dedi: "Kimin sizi öldürməyə qüdrəti var?"
    İmam (ə) buyurdu: "İstəsən, onu göstərə bilərəm!"
    Sonra Məmunla İmam (ə) arasında gərginlik yarandı. Bir neçə acı sözdən sonra Məmun dedi: "Əgər vəliəhdliyi qəbul etməsən, öldürüləcəksən!" İmam buyurdu: "İndi ki, məcburam, bir şərtlə qəbul edirəm, hökumətin heç bir işinə qarışmayacağam, kimsəyə vəzifə verməyəcək və kimsəni işdən kənarlaşdırmayacağam."
    Məmun razılaşdı və öz əli ilə bir müqavilə yazdı. İmam isə həmin müqavilənin haşiyəsinə bir neçə cümlə yazdı.
    Məmun İmam Rizanın (ə) vəliəhdliyi münasibəti ilə şənlik məclisi düzəltdi və İmamın (ə) vəliəhd olduğunu bütün Mərv camaatına, bütün şəhərlərə və öz nümayəndələrinə çatdırdı. İmamın adına sikkə vuruldu və Məmun öz qızı Umm-Fəzli İmama (ə) verdi. İmamın tərəfdarlarının şüarı yaşıl rəng idi və onlar həmişə yaşıl rəngli paltar geyirdi. Abbasilər isə qara rəng geyirdi. Məmunun əmri ilə bütün dövlət xadimləri yaşıl paltar geyməli oldu və bu rəngli geyim rəsmi dövlət geyimi elan olundu. Dövlətin ikinci şəxsi kimi İmamın (ə) adına xütbələr oxundu.
    Bütün bunlardan sonra Məmun İmamın (ə) xalq arasında hansı mövqedə olduğunu yoxlamaq istədi. Vəliəhdlik məsələsindən üç ay keçmişdi ki, Qurban bayramı günü gəlib çatdı. Məmun imamdan xahiş etdi ki, bayram namazını o qılsın. İmam bu işdən imtina etdi və müqavilənin şərtlərini (heç bir işə dəxalət etməmək) Məmuna xatırlatdı. İmam (ə) nə qədər imtina etsə də, faydası olmadı. Bu zaman İmam (ə) belə bir şərt irəli sürdü: "Mən bayram namazını Allahın Rəsulu (s) və Əmir əl-möminin (ə) necə qılıbsa elə qılacağam." Məmun bu şərti qəbul etdi və göstəriş verdi ki, dövlət və ordu başçıları da bu namazda iştirak etsin. Küçələr, xiyabanlar, evlərin damı imamı (ə) gözləyən insanlar ilə dolu idi. İmam (ə) qüsl etdi, libas geyərək başına ağ əmmamə qoydu. Xoş ətirlə ətirlənib, əlinə bir əsa aldı.Yalın ayaqla dostlarının əhatəsində evdən çıxdı. İmam (ə) üzünü göyə tərəf tutub təkbir dedi, dostları, sonra isə camaat da təkbir deməyə başladı. Bunu görən qoşun başçıları və zabitlər atlarından enib, çətinliklə də olsa, çəkmələrini çıxardı və yalın ayaqla imamın arxasınca getməyə başladı. Təkbir və ağlaşma səsi şəhəri başına götürdü. Bu xəbər Məmuna çatdıqda qorxuya düşdü. Fikirləşdi ki, əgər İmam (ə) belə davam edərək namaza başlasa, xalq ona daha çox bağlanacaq. Odur ki, İmama (ə) belə bir xəbər göndərdi: "Biz sizi əziyyətə salmışıq. Siz qayıdın, qoyun namazı hər il kim qılırdısa, bu il də o qılsın." İmam ayaqqabısını geyib atına mindi və evə qayıtdı. Amma camaatın nizam-intizamı pozuldu və həmin gün bayram namazı qılınmadı. İmamın (ə) Məmunun vəliəhdi seçilməsi xəbəri islam məmləkətinin bütün vilayətlərinə yayıldı. Əksər şəhərlərin sakinləri Məmunun əmrinə itaət edərək İmamı (ə) vəliəhd kimi tanıdılar. Hətta Mədinə və s. bu kimi şəhərlərdə bu xəbəri şadlıqla qarşıladılar. Lakin Abbasilərin yeni tikdirdiyi və onların xilafət mərkəzi olan Bağdadda başqa ab-hava vardı. Bu şəhərin camaatı (əhli-beyti sevənlərdən başqa) Məmunun bu işini nəinki qəbul etmədilər, hətta Abbasilərin başçılarının təhriki ilə Məmunu öz aralarında xilafətdən kənarlaşdırıb onun əmisi İbrahim ibn Məhdiyə beyət etdilər.
    Abbasilərin və Bağdad əhalisinin Məmuna qarşı çıxmasının müxtəlif səbəbləri var idi. Onlardan bəzilərini qeyd edirik:
    1. Məmunun öz qardaşı Əmini öldürməsi və onun anası və Abbasilərin ən nüfuzlu və məşhur qadını olan Zübeydəyə etinasızlığı.
    2. İranlıların ərəblərdən üstün hesab edilməsi. (Məmun Xorasan əhalisini özünə arxa hesab edərək xilafət mərkəzini Bağdaddan Mərvə köçürmüşdü.)
    3. Hərsəmə ibn Əyunun öldürülməsi: Bu qətl Bağdad əhalisinin və ordunun qiyam etməsinə səbəb oldu və nəticədə Məmunun İraqa hakim təyin etdiyi Həsən ibn Səhl şəhərdən qovuldu. Onun qovulmasının başqa bir səbəbi də var idi. O səbəb bundan ibarət idi ki, Həsən hakimi olduğu bölgədə əmin-amanlıq yaratmağa qadir deyildi, hərc-mərclik hər tərəfi bürümüşdü və bundan istifadə edən, belə fürsətlər gözləyən təxribatçı qüvvələr müxtəlif bəhanələrlə camaatdan vergi alır, xalqı qorxu ilə dəhşət içərisində saxlayırdılar.
    4. İranlı olan Fəzl ibn Səhlin vəzir, qardaşı Həsən ibn Səhlin isə İraqa hakim təyin edilməsi. Məmun bir çox rəsmi səlahiyyətləri vəziri Fəzl ibn Səhlə tapşırmışdı və bu, Bağdad əhalisi, xüsusilə, Abbasi hakimlərində Məmuna qarşı nifrət hissini gücləndirirdi.
    5. Bunların hamısından əsas və mühüm olan səbəb isə təbii ki, həzrət imam Rizanın (ə) vəliəhd seçilməsi idi və demək olar ki, Abbasilərin Məmuna qarşı qəzəb və nifrətinin əsas səbəbi bu məsələ idi. Onlar daim bu fikri əsas tutur və üzərində təkid edirdilər ki, imamın vəliəhd seçilməsi ilə xəlifəlik Abbasi sülaləsinin əlindən çıxıb Əli (ə) xanədanının əlinə keçəcək. Odur ki, İbrahim ibn Məhdinin xəlifə kimi tanıdılar və Məmunun xəlifəliyini rədd edərək onun nümayəndəsi Həsən ibn Səhli şəhərdən qovdular. İbrahimin işi rövnəq tapdı və Fəzl ibn Rəbi də ona bu işdə kömək edirdi. Onlar başqa şəhərlərin əhalisini də özlərinə cəlb etməyə başlamışdılar. Həsən ibn Səhl bu qiyamı yatırmaq üçün İbrahimin üstünə bir neçə dəfə qoşun çəksə də, hər dəfə İbrahimin tərəfdarları qələbə çalırdı. Qiyamın əhatəsi getdikcə genişlənir, Bəsrə və hətta İraqdan kənarda olan Məkkə şəhərini və Yəməni də bürüyürdü. Bütün bu xəbərləri Həsən ibn Səhl və Xorasana səfər edən digər şəxslər vasitəsilə Fəzl ibn Səhlə çatdırdılar. Lakin Fəzl bu xəbərlərin heç birini Məmuna demirdi və onu İraq və Hicazdakı hadisələrdən tamamilə xəbərsiz qoyurdu. Çünki İraq camaatının onun vəzirliyindən və qardaşının hakimliyindən narazı, habelə qardaşının bu qiyamı yatırmaqda aciz olduğundan xəlifənin agah olmasını istəmirdi. Bu hadisələrdən xəbəri olan digər şəxslər də Fəzlin qorxusundan susurdular. Lakin həzrət Riza (ə) bütün bu hadisələrdən xəbərdar idi və Fəzlin həqiqətləri necə gizlətdiyini, Məmunun islam məmləkətindən xəbərsiz olduğunu görürdü. Bu zaman İmam (ə) öz mələkuti və əxlaqi səviyyəsinə əsasən sükutu düzgün hesab etmədi və Məmunu Bağdaddakı hadisələrdən, həmçinin camaatın İbrahim ibn Məhdiyə beyət etməsindən agah etdi. Məmun dedi: "Bəs Fəzl mənə xəbər verdi ki, İbrahimə mənim nümayəndəm olaraq beyət ediblər?" İmam buyurdu: "Fəzl yalan danışır və xəyanət edir. Çünki İbrahim ilə Həsən ibn Səhl arasında döyüş olub, əgər nümayəndə kimi beyət etsəydilər döyüş baş verməzdi. Onlar Fəzlin vəzirliyi, Həsənin hakimliyi və mənim vəliəhdliyimə görə sənə qarşı qəzəblidir." Məmun soruşdu: "Orduda bu məsələni bilən varmı?" İmam (ə) buyurdu: "Bəli, Yəhya ibn Məaz, Əbdüləziz ibn İmran və başqa bir neçə nəfər məsələni bilir." Məmun onları çağırtdırdı və vəziyyəti soruşduqda əvvəlcə bilmədiklərini dedilər. Lakin Məmun onların hər birinə Fəzlin cəzasından amanda olacaqlarına dair amannamə verdikdə onlar İmamın (ə) buyurduqlarını tamamilə təsdiq etdilər və dedilər ki, qoşun başçılarının ürəklərində xəlifəyə qarşı kin və nifrət hissi vardır. Məmun Fəzli çağırıb niyə bu vaxta qədər olan hadisələrin ona çatdırılmadığını soruşdu. Fəzl dedi: "Bağdad əhalisi İbrahimi xəlifə kimi deyil, əmir və şəhər hakimi kimi tanımışlar. Digər tərəfdən isə mən istəyirdim hadisələri öz yoluna qoyduqdan sonra xəlifəyə xəbər verim və acı xəbərlərlə xəlifəni narahat etməyim. Məmun İmamın (ə) hüzuruna gedib çarə istədi. İmam buyurdu: "Yaxşı olar ki, bu işi başqalarına tapşırmayasan və özün Bağdada gedib camaatın işini yoluna qoyasan." Fəzl Məmunun Bağdada getmək istədiyini bildikdə çox narahat oldu. Çünki Mərvdə hər iş onun əlində idi. Lakin Bağdadda Məmun onun rəyinə fikir verməzdi. Digər tərəfdən isə bu xəbərləri Məmuna İmam (ə) çatdırdığı üçün İmama (ə) qarşı qəlbində kin olan Fəzl öz gələcəyini qaranlıq görürdü. O, Məmunun yanına gəlib niyə Bağdada getmək istədiyini soruşdu. Məmun dedi: "Mənim ağam Əbülhəsən (ə) mənə bu yolu göstərib, mən də bu yolu bəyənmişəm." Fəzl dedi: "Bağdada getməyiniz məsləhət deyil. Çünki qardaşların, Bağdadın alimləri, fəqihləri, adi camaat hamı sənə qarşı kinlidir ki, sən Əmini öldürmüsən və Əbülhəsəni (ə) vəliəhd təyin etmisən. Məsləhətdir ki, bir müddət Xorasanda qalasan. Qoy camaat Əminin ölümünü unutsun. İstəsən, bu barədə başqa siyasətçilər ilə də məsləhətləş..."
    Məmun çox fikirləşib götür-qoy etdi və nəhayət qərara gəldi ki, Mərvdəki təhlükə Bağdaddakından daha da qorxuludur. Çünki bir tərəfdən Fəzlin qüdrəti günü-gündən artırdı. Digər tərəfdən isə İmamı (ə) xalq daha çox sevməyə başlayırdı. Belə bir vaxtda paytaxtdan uzaqlaşmaq düzgün deyil. Amma Bağdadda da vəziyyət yaxşı deyildi. Nə etməli? Nəhayət Məmun bu qərara gəldi ki, Fəzli və İmamı (ə) elə aradan götürmək lazımdır ki, məsuliyyət onun boynuna düşməsin. Odur ki, göstəriş verdi ki, Mərvdən Bağdada tərəf hərəkətə başlasınlar. Gəlib Fəzlin əsl vətəni olan Sərəxsə çatdılar. Bir gün səhər Fəzl ibn Səhl hamama getdi. Məmunun gizli əmrinə əsasən bir neçə nəfər əli qılınclı Fəzli hamamda ikən doğradılar. Şəhərə hay düşdü. Qatillər həbs olundu və Məmunun əmri ilə öldürüldülər. Beləliklə, Məmunun iki böyük problemindən biri həll oldu. 202-ci il şəban ayının üçündə Fəzl öldürüldü. Fəzlin qətlindən sonra xəlifə hərəkət əmri verdi. Tus şəhərinə yeddi mənzil qalmış İmam (ə) xəstələndi. Tusa çatdıqda imamın xəstəliyi daha da şiddətləndi. Bir neçə gün Tusda qaldılar və Məmun hər gün İmama (ə) baş çəkirdi. Məmun gördü ki, çox gözəl fürsətdir. Əgər İmamı (ə) zəhərləsə, heç kəsin xəbəri olmaz və hamı onun xəstəlikdən öldüyünü qəbul edər. Bəzi tarixçilər İmamın (ə) üzümlə, digərləri isə nar suyu ilə zəhərləndiyini yazmışlar və bunu da əlavə etmişlər ki, İmama (ə) bu zəhəri Məmun zorla içirtmişdi. İki gün keçməmiş İmam (ə) şəhid oldu. Əbu Səlt bu barədə deyir: "İmam (ə) Məmunun yanından evə qayıtdı. Mən Həzrətin əmri ilə qapıları bağladım. İmam çox pis vəziyyətdə idi və ilan vurmuş adam kimi qıvrılırdı. Bu vaxt bir cavanın evə daxil olduğunu gördüm. Dedim: "Qapılar bağlı idi, siz necə daxil oldunuz?" Buyurdu: "Məni Mədinədən Tusa bir anda gətirən, bağlı qapıları da üzümə açdı!" Dedim: "Sizi tanımadım." Buyurdu: "Mən Muhəmməd ibn Əliyəm (ə) və qərib atamla vidalaşmağa gəlmişəm."
    İmam Muhəmməd Təqi (ə) otağa daxil oldu, imam (ə) çox sevinclə oğlunu qucaqlayıb öpdü. Onu imamət sirlərindən agah edib canını Allaha tapşırdı. İmam Muhəmməd Təqi (ə) atasına qüsl verdi, onun üçün namaz qılıb tabuta qoydu. Sonra Əbu Səltə buyurdu: "Qapını aç, Məmun qapının dalındadır."
    Qapını açan kimi Məmun öz xidmətçiləri ilə içəri daxil olub ağlaya-ağlaya cənazənin yanında oturdu. Xəlifə İmamın (ə) şəhadətini iyirmi dörd saat gizlin saxladı. Sonra İmamın (ə) əmisi Muhəmməd ibn Cəfər (ə) və Əbutalib xanədanın bir neçə şəxsiyyətlərinin ardınca adam göndərib onları çağırtdırdı. Cənazəni onlara göstərib heç bir yara olmadığını bildirdi. Sonra İmama (ə) ağlayaraq dedi: "Ey qardaş! Səni bu halda görmək mənim üçün çox çətin və kədərlidir. Mən səndən sonra ölmək arzusunda idim. Amma Allah istəmədi." Sonra özünü qəmgin və kədərli göstərərək cənazə ilə birgə çölə çıxdı. Hərdən özü cənazənin altına girir, onu daşımağa kömək edirdi. Dəfn yerinə çatdılar və İmamı (ə) Harunun qəbrinin kənarında torpağa tapşırdılar. İmam Riza (ə) tarixdə məşhur nəzərə əsasən 203-cü hicri ilində səfər ayının sonunda əlli beş yaşında ikən şəhadətə yetişdi.
    İMAM RİZANIN (Ə) ƏXLAQİ XÜSUSİYYƏTLƏRİ
    Əxlaqi xüsusiyyətlər və insani keyfiyyətlər insanı digər canlılardan fərqləndirən ən böyük amildir. Hansı insanın əxlaq səviyyəsi yüksəkdirsə, o daha çox insani zirvələri fəth etmiş olur. Biz görürük ki, Allah-Təala Qurani-Kərimin "Nur" surəsində öz sevimli Peyğəmbərini "Sən böyük əxlaqa sahibsən" ayəsi ilə tərifləyir. Həzrət Peyğəmbər (s) da hədislərin birində öz peyğəmbərliyinin hədəfini əxlaqi keyfiyyətləri kamilləşdirmək kimi təqdim edir. Biz də imam Rizanın (ə) bu sahədəki özəlliyini araşdırır və o həzrətin nə qədər gözəl xüsusiyyətlərə malik və babası Peyğəmbərin (s) ləyaqətli varisi olduğunu təsdiqləyirik və onun bəzi xüsusiyyətlərini saymaq istəyirik..
     Həzrət imam Riza (ə) heç kəsin sözünü kəsməzdi.
     Heç kəsin istəyini rədd etməzdi (əlbəttə, din çərçivəsində).
     Başqalarının yanında ayaqlarını uzatmaz və heç yerə söykəməzdi.
     Öz xidmətçilərinə təhqiramiz söz deməzdi.
     Qəh-qəhə çəkməzdi.
     İctimai nöqteyi-nəzərdən aşağı təbəqə sayılan şəxslərlə bir süfrədə oturub yemək yeyərdi.
     Gecənin çoxunu ibadətlə keçirərdi.
     Çox oruc tutardı.
     Gizlində sədəqə verərdi.
     Camaat qarşısında gözəl və yumşaq geyim, tənhalıqda isə cod və sərt geyim geyər, həsir üstündə oturardı.
     Az danışardı və hər üç gündə bir dəfə Quran xətm edərdi.
     Əgər o Həzrətin bir nəfərlə işi olsaydı və həmin şəxs yemək yeməyə məşğul olsaydı, İmam (ə) o şəxsin yeməyi bitirməsini gözləyər, sonra öz sözünü buyurardı. İmam (ə) belə buyururdu: "Siz yeməyə məşğul olarkən mən daxil olsam və ya yaxınlaşsam, yerinizdən qalxmayın."
     Əgər hər hansı bir sahibkar əvvəlcədən müqavilə bağlamadan bir fəhləni işə götürürdüsə, imam əsəbiləşir və buyururdu: "Əgər siz o fəhlə ilə müqavilə bağladıqdan sonra işin sonunda həmin məbləği ona versəniz, o şad olar ki, siz öz əhdinizə vəfa etmisiniz. Əgər bir az da artıq versəniz, o bir az da çox sevinəcək ki, siz onun muzdundan da artığını vermisiniz. Lakin müqavilə bağlamadığınız təqdirdə hətta onun haqqından üç dəfə artığını da versəniz elə biləcək ki, haqqını düz verməmisiniz."
    İMAM RİZANIN (Ə) KƏRAMƏTLƏRİ
    İmam Rizanın (ə) fəziləti və kəramətləri bu dar çərçivəyə sığmayacaq dərəcədə çoxdur. Lakin biz imkan dairəsində o cənabın fəzilət və kəramətlərinin bəzilərini burada qeyd edirik.
    Həzrət imam Kazim (ə) buyurmuşdur: "Atam mənə buyurdu: Sənin nəslində Ali-Muhəmmədin alimi olacaq, o Əmir əl-mömininlə (ə) eyni ada sahib olacaq. Kaş ki, mən onu görəydim!"
    Məmun davamlı şəkildə elmi məclislər təşkil edirdi. Müxtəlif dinlərin nümayəndələrini həmin məclislərə dəvət edərək onlardan imamla mübahisə etməyi xahiş edirdi və imam (ə) bu mübahisələrin hamısından qalib çıxırdı.
    1. Muhəmməd ibn Davud deyir: "Mən və qardaşım imam Rizanın (ə) yanında idik. Bu vaxt bir nəfər gəlib imam Cəfər Sadiqin (ə) oğlu Muhəmmədin ölüm xəbərini gətirdi. Biz imamla (ə) birlikdə Muhəmmədə baş çəkməyə getdik. Gördük ki, onun çənəsini də bağlayıblar və övladları ağlaşır. İmam onun yanında əyləşdi, sonra onun çöhrəsinə baxıb təbəssüm elədi. Məclisdəkilər İmamın (ə) bu gülüşündən incidilər və hətta bəziləri dedilər ki, imam öz əmisinin ölümündən sevindiyi üçün tənəli şəkildə gülür. Sonra İmam (ə) namaz üçün məscidə gedərkən biz deyilənləri o Həzrətə çatdırdıq. İmam buyurdu: "Mənim gülüşüm təəccübdən doğurdu. Çünki gördüm imam Cəfər Sadiqin (ə) oğlu İshaq (Muhəmmədin qardaşı) qardaşı üçün bərk ağlayır, halbuki o, Muhəmməddən tez öləcək və Muhəmməd onun üçün ağlayacaq! Çox keçmədi ki, Muhəmməd sağalıb yataqdan qalxdı və İshaq isə bir müddətdən sonra dünyasını dəyişdi."
    2. Rəyyan ibn Səlt deyir: "İraqa getmək istəyirdim. İmam Rizanın (ə) hüzuruna getdim. Məqsədim həm onunla xudafizləşmək, həm də ölərkən kəfənimə qoymaq üçün İmamın (ə) paltarlarından birini mənə vermək üçün xahiş etmək idi. Eyni zamanda qızlarıma üzük almaq istəyirdim. Amma xudafizləşərkən o cənabdan ayrılmaq məni elə kədərləndirdi ki, istədiklərim yadımdan çıxdı. Mənzildən çıxarkən Həzrət məni səsləyib buyurdu: "Qızlarına üzük almaq üçün bir neçə dirhəm verməyimi istəmirsənmi? Öləndə kəfənlə birlikdə bükülmək üçün paltarlarımdan birini istəmirsənmi?" Dedim: "Doğrudur. Lakin sizdən ayrılmağın qüssəsi istədiklərimi mənə unutdurdu."
    Həzrət səccadənin altından bir az pul çıxarıb bir köynəklə birlikdə mənə verdi..."
    3. İmam Rizanın (ə) vəliəhdliyi zamanı bir müddət yağış yağmadı və xalqa qıtlıq üz verdi. Məmun İmamdan (ə) xahiş etdi ki, yağışın yağması üçün namaz qılıb dua etsin. İmam (ə) buyurdu: "Dünən gecə Allahın Rəsulunu (s) və Əmir əl-möminini (ə) yuxuda gördüm. Peyğəmbər (s) buyurdu: Həftənin ilk günü səhraya get və Allahdan yağış istə, çünki mən də birinci gün belə edəcəyəm." Birinci gün İmam (ə) yağış istəmək üçün səhraya getdi və yaxşı da yağdı.
    Lakin bəzi bədxahlar İmamı (ə) Məmunun yanında pis etmək üçün Məmunun qulağını belə sözlərlə doldurmağa başladılar ki, o, cadugər və sehrbazdır, öz cadusuyla yağış yağdırdı və xalq arasında çoxlu şan-şöhrət qazandı. Belə getsə o, xilafəti sənin və Abbasi sülaləsinin əlindən alacaq. Məmun dedi: "Biz vəliəhdliyi ona verməklə onu dəyərsiz edib dünyapərəst kimi tanıtmaq istədik... İndi öz səhvimizi anladıq. Bundan sonra ona qarşı güzəşt yoxdur..."
    Category: Ziyarətmnamələr | Added by: Islam_Kitabxanasi
    Views: 479 | Downloads: 0 | Rating: 0.0/0
    Total comments: 0
    Only registered users can add comments.
    [ Registration | Login ]

    Quranda axtar
    Quran,Hədis,İslam təlimləri, Fiqh
    Quran
    İstifadəçi girişi
    Login:
    Password:
    Kitabxana əxlaq
    Etiqat, Tarix, Fəlsəfə, Dini yaradıcılıq
    Dost saytlar
  • İslamQadını
  • Günahkar-Bəndə
  • Kitablar yüklə
  • Bölmələr
    Tarix [535]
    Etiqat [869]
    Fəlsəfə [4]
    Dini yaradıcılıq [40]
    Bölmələr
    Quran [585]
    Hədis [253]
    İslam təlimləri [24]
    Fiqh [219]
    Azan vaxtları [1]
    Dua [26]
    Din [13]
    Namaz [10]
    Kateqoriyalar
    Böyük qeybət dövründə alimlərin məqami [6]
    Tarixi və dini bəhslər (şübhələrə cavab) [5]
    Buxari və Müslümün səhihlərinə bir baxış 1 [21]
    Təhlükəylə üz-üzə [2]
    Beytül-əhzan (Həzrət Fatimeyi-Zəhranın (s) həyatı) [16]
    İmam Həsən (ə) və İmam Hüseynin (ə) başına nələr gəldi? [26]
    İmam Məhdi (ə) barəsində təhqiqat [3]
    Vilayət günəşi (2-ci cild) [16]
    Vilayət günəşi (1-ci cild) [25]
    Ziyarətmnamələr [10]
    Sәfәvilәr tаriхi (zühurdаn süqutаdәk) (2-ci cild) [19]
    Sәfәvilәr tаriхi (zühurdаn süqutаdәk) (1-ci cild) [17]
    Vəhhabi əqidəsinə əqli bir baxış (5-ci cild) [6]
    Vəhhabi əqidəsinə əqli bir baxış (4-cü cild) [5]
    Vəhhabi əqidəsinə əqli bir baxış (3-cü cild) [4]
    Vəhhabi əqidəsinə əqli bir baxış (2-ci cild) [9]
    Vəhhabi əqidəsinə əqli bir baxış (1-ci cild) [8]
    Vəhhabiliyin siyasi tarixi [24]
    Peyğəmbərlərin həyatı [28]
    İslamda şiəlik [19]
    Peyğəmbərin (s) davranışlarına bir baxış [14]
    İmam Xomeyni (r) əsri [36]
    İslаm tаrixi və təhlillər [18]
    Erməni Müsəlman davası (1905) [12]
    Seyyidüş-şühəda Həmzənin həyatı [5]
    Meysəm Təmmarın həyatı [4]
    Həbib ibn Məzahirin həyatı [3]
    İmam Məhdi əleyhissəlamın həyatı [3]
    İmam Həsən Əskəri əleyhissəlamın həyatı [2]
    İmam Əliyyən-Nəqi əleyhissəlamın həyatı [3]
    İmam Riza əleyhissəlamın həyatı [5]
    Bilalın həyatı [2]
    İmam Məhəmməd Təqi əleyhissəlamın həyatı [2]
    İmam Museyi-Kazim əleyhissəlamın həyatı [3]
    Salman Farsinin həyatı [3]
    İmam Cəfər Sadiq əleyhissəlamın həyatı [3]
    Müslim ibn Əqilin həyatı [4]
    İmam Məhəmməd Baqir əleyhissəlamın həyatı [2]
    Hücr ibn Ədinin həyatı [3]
    Livan müsəlmanlarının rəhbəri İmam Musa Sədrin həyatı [8]
    İmam Zeynül-Abidin əleyhissəlamın həyatı [5]
    İmam Hüseyn əleyhissəlamın həyatı [4]
    İmam Həsən Müctəba əleyhissəlamın həyatı [3]
    Əmmar Yasirin həyatı [5]
    Əmirəl-möminin Əli ibn Əbutalib əleyhissəlamın həyati [6]
    Mister Hemferin xatirələri [9]
    Kərbəlada çaxan bir şimşək [13]
    Həzrət Zeynəbin (s.ə.) həyatı [11]
    Qədir-Xum [5]
    İmаm Hüsеynin (ә) qiyаmınа аnаlitik bir bахış [5]
    İmam Hüseyn əleyhissalamın həyatı [7]
    İmаm Rizа (ә), İmam Mehdi (əc) vә hәzrәt Mәsumә (ә) hаqqındа qısа mәlumаt [7]
    Həzrət Əlinin (ə) Malik Əştərə məktubunun şərhi [7]
    Qeyb dövrünün tarixi [17]
    Amerika niyə məhv olacaq [7]
    Əli əleyihissalam kimdir? [13]
    Nur sırası [7]
    Rəsmlərimiz
    Copyright MyCorp © 2019