Nəql edilmiş rəvayətlər:

1-"Allah Yəhudiləri peyğəmbərlərinin qəbirlərini məscidə çevirməklərinə görə lənətlədi”.

Peyğəmbər (s) buyurdu: "Ey uca Allah! Mənim qəbrimi ibadət ediləcək bütə çevirmə”. 

3- "Allah, peyğəmbərlərin qəbirlərini məscidlərə çevirən qövmə kəskin əzab nazil etsin”.

1-Bu hədislərin sənəd baxımından iradı var. Çünki, ravilərin arasında Nəsai və Əbdulvarisin adları çəkilmişdir. Onlar "Qədr” (etizal) əhli olduqları üçün xalq onların arxasında namaz qılmazdılar. Həmmaq, Əbdülvarisdən nəql edilən varisləri rədd etmişdir. 

Həmçinin, rəvayətlərin sənədində Əbusalehin adı hallanır. Onun cahil, zəif və ya güclü və mötəbər şəxs olması şübhəlidir. Əbu Salehin Bazam Mövlayi Ümmi Hani olması ehtimal olunur. Bu doğru olduqda o, zəif, mətruk  və yalançıdır. 

Habelə, hədisin sənədində İbn Macə Abdullah  ibn Osmanın adı var. Onun haqqında yazmışlar: "O, mötəbər şəxs deyil, ondan bir çox səhvlər üz vermişdir və "münkürül-hədis” -dir”.

Lakin, Malikin "Mütə” kitabında nəql etdiyi mürsəldir . Necə ki, İbn Əbdul Birr buna təkid etmişdir. Hədisin sənədində Əta ibn Yəssarın adı qeyd edilmişdir. Halbu ki, o, Peyğəmbəri dərk etməmişdir. Digər baxımdan, bu rəvayətlər İbn Teymiyyənin və vəhhabilərin  nəzərinə dəlalət etmir.

Çünki, onlar bu hədisdən istifadə edərək deyirlər: "Qəbirlərin, müqəddəs məkanların qarşısında namaz qılmaq caiz deyil. Həmçinin qəbirlərin, müqəddəs məkanların üzərində məscid tikmək caiz sayılmır. Bir halda ki, hədisin zahiri Həbəşədə olan kilsəyə işarə edir. Belə ki, Həbəş əhlindən olan saleh şəxs dünyadan köçdükdə qəbri üzərində məscid tikər və sonra onun üzərində müxtəlif şəkillər çəkərdilər. Peyğəmbərlərin (ə) qəbirlərinin üzərində məscidlərin tikilməsinin qadağa edilməsi çəkdikləri şəkillər və şəkillərə pərəstiş etməkləri ilə bağlı idi. Onlar şəkillərə doğru namaz qılır və çəkdikləri şəkillərə, qəbrə səcdə edirdilər. Qəbirlərin üzərində məscid tikilməsinin qarşısı bu hədislərə görə alınıb. Lakin, əgər qəbrin üzərində məscid tikilirsə və namaz qibləyə tərəf və Allah üçün qılınırsa, bu əməlin nə iradı vardır? Necə ki, günümüzdə də müsəlmanlar Peyğəmbərin (s) məscidində və ya Dəmәşqdə olan Zəkəriyya peyğəmbərin məscidində namaz qılırlar.