İmam Sadiq (ə) buyurdu: Bir kəs özünün vacibi namazlarında "Səbbih-ismə rəbbikəl Əla" surəsini oxusa, Qiyamət günüdə ona deyərlər: Behiştin hər hansı qapılarının birindən Allahın köməyi ilə daxil ol.

Nəbiyyi-Əkrəm (s.ə.v.v) buyurdu: Hər kəs Əəla surəsini oxusa, Allah Həzrət İbrahimə (ə), Musaya (ə) və Məhəmmədə (s.ə.v.v) nazil etdiyi hər bir hərfin sayı qədər ona həsənə əta edər. Əli İbn Əbitalibdən (ə) nəql olunub ki, Allahın Peyğəmbəri (s.ə.v.v) bu surəni sevərdi. Həzrət buyurdu: İlk dəfə "Subhanə rəbbiyəl Əla" sözünü deyən Həzrət Mikail olub.

İbn Əbbasdan rəvayət olunub ki, o belə dedi: İslam Peyğəmbəri (s.ə.v.v) "Səbbihismə rəbbikəl Əla"-nı oxuyanda buyurardı: "Subhanə rəbbiyəl Əla." Həmçinin Həzrət Əlidən (ə) ibn Əmrdən, ibn Zubeyrdən də rəvayət olunub ki, Həzrət Peyğəmbər belə edərdi. Cuvəbir Zəhhakdan rəvayət rəvayət edib ki, o belə deyirdi: Hər kəs Ə‎la surəsini oxusa, elə isə bunu etsin, yə‎ni "Subhanə rəbbiyəl Əla" desin.

Əbi Bəsir imam Sadiqdən (ə) rəvayət edib. Hər kəs vacibi və müstəhəbbi namazlarında "Səbbih ismə rəbbikəl Əla" surəsini oxusa, ona deyilər ki, Qiyamətdə Behiştin hər hansı qapısından istəyirsən daxil ol.

Əyyaşi öz sənədinə əsasən Əbi Xəmisədən o da Əlidən (ə) rəvayət edib dedi: Mən iyirmi gecə Əlinin (ə) arxasında namaz qıldım. O Həzrət "Səbbihismə rəbbikəl Əla" surəsindən başqa surəni oxumazdı. Əgər bu surədə nə qədər fəzilət olduğunu bilsəydilər, hər bir kişi gündə onu iyirmi dəfə oxuyardı. Əlbəttə hər kəs onu oxusa elə blki, Musa (ə) və İbrahimin (ə) səhifələrini oxumuş və öz əhdinə vəfa etmişdir (Öz övladını qurbanlıq etməkdə) Əqəbə ibn Amir Cəhənidən rəvayət olunub, o belə dedi: "Fəsəbbih bismi rəbbikəl əzim" ayəsi nazil olanda Allahın Rəsulu (s.ə.v.v) buyurdu: Onu rukuda oxuyun. Elə ki "Səbbih ismə rəbbikəl Əla" ayəsi nazil oldu, Həzrət buyurdu: Onu səcdədə oxuyun.

1-İmam Sadiq (ə) buyurdu: Bir kəs özünün gündəlik beş vacibi və müstəhəbbi namazlarında "Həl ətakə hədisul ğaşiyə" surəsini həmişə oxusa Allah onu iki aləmdə öz rəhməti ilə başdan ayağa qədər örtər, və Qiyamət günündə onun cəhənnəm odundan və əzabından azad olmasına fərman verər. (rəhm edər)

2-Nəbiyyi-Əkrəm (s.ə.v.v.) buyurdu: Hər kəs Ğaşiyə surəsini oxusa, Allah onun hesabını asan tutar.

-Əgər bu surəni yeməli bir şeyə oxusa, ona zərəri dəyməz.

1-İmam Sadiq (ə) buyurdu: Fəcr surəsini özünüzün vacibi və müstəhəbbi namazlarınızda oxuyun, çünki bu surə Hüseyn ibn Əliyə (ə) məxsusdur. (onunla bağlıdır.) Hər kəs onu (Fəcr surəsini) oxusa, Qiyamətdə Hüseynlə (ə) və onun qonşuluğunda həmin dərəcədə Behiştdə məskunlaşacaqdır ki, Həzrət Hüseyn (ə) məskunlaşdırılmışdır. Həqiqətən Allah əziz və həkimdir.

Allahın Rəsulu (ə) buyurdu: Bir kəs bu surəni Zilhiccə ayının birinci gecəsində oxusa, Allah onu bağışlayar. Hər kəs sair günlərdə onu oxusa, Qiyamət günündə onu oxusa, Qiyamət günündə onun üçün bir nur olacaqdır.

Hər kəs bu surəni on bir dəfə oxuyub öz halalı ilə cinsi əlaqədə olsa, Allah ona elə bir övlad əta edər ki, gözünün işıqlanmaına səbəb olar.

İmam Sadiq (ə) buyurdu: Bir kəs gündəlik namazlarında "La uqsimu bihazil bələd surəsini oxusa, bu dünyada ləyaqətli və tanınımış olar. Axirət dünyasında isə Allah yanında məqam sahibi olub, orada Peyğəmbərlərlə, şəhidlərlə, və bəyənilmişlərlə həmdəm olacaqdır.

Allahın Rəsulu (s.ə.v.v) buyurur: Bir kəs Bələd surəsini oxusa, Allah onu Qiyamət gününün qəzəbindən amanda saxlayar.

Hər vaxt Bələd surəsini yazıb təzə dünyaya gəlmiş oğlan yaxud qız uşağına bağlasan hər eyb və çatışmamazlıqdan amanda qalar, inşaallah.

İmam Sadiq (ə) buyurdu: Bir kəs gecə yaxud gündüz) Vəşşəms, Vəlləyl, Vəzzuha, və ələm nəşrəh surələrini oxusa, heç bir şey onun ətrafına toplaşmaz, madam ki, onun xeyrinə şəhadət verərlər. Hətta onun tükü, dərisi, qanı, damarları, əsəb sisiemi, sümükləri, və bədəninin hamısı, və onun üzərində saxlayan yer də onun xeyrinə şəhadət verərlər. Allah-taala buyurar: "Bəndəmin xeyrinə verdiyiniz şəhadəti qəbul etdim və ona əsasən hökm verdim, onunla mənim Behiştimə tərəf gedin və hansı yeri bəyənirsə oranı seçin. Bu mənim tərəfimdən minnətsiz bəlkədə məhəbbət və ehsan kimi bir hədiyyədir və bunu ona verin. Beləliklə mənim bəndəmə halal olsun halal olsun. "

Peyğəmbər-Əkrəm (s.ə.v.v) buyurdu: Bir kəs Şəms surəsini oxusa, elə bilki, günəş və ay saçmış bütün şeylər qədər sədəqə vermişdir.

Üç gün günəş çıxan zaman (üçüncü dördüncü, beşinci günlər) alnını səcdəyə qoyub, üç dəfə bu surəni oxusun. "Fəəlhəməha" kələməsinə çatanda hacətini ürəyindən keçirsin.

Düşməni dəf etməkdən ötrü də belə etsin.

Allahın Rəsulu (s.ə.v.v) buyurdu: Allah Ləyl surəsini oxuyan kəsə o qədər nemət əta edər ki, o razı qalar, və onu yoxsulluqdan çıxardıb varlılığı onun üçün asanlaşdırar .

Cabir ibn Həmzədən nəql olunub ki, Allahın Rəsulu (s.ə.v.v) Zöhr və əsr Vəlləyli iza yəqlia və onun kimi [Şəms, Zuha, Ələm Nəşrəh] surələri oxuyardı.

Hər kəs Ləyl və Şəms surəsinin hər birisini yeddi dəfə üç gecə dalbadal oxusa, və sonra otuz dəfə bu duanı "Vəla həvlə vəla quvvətə illa billahil əliyyil əzim," inşaallah hacəti qəbul olunar. (Çox təcrübə olunub.)

Qırx gecə və hər gecədə qırx dəfə Ləyl surəsini oxusun. "Və ma liəhədin indəhu min nemətin tucza." ayəsinə çatanda onu üç dəfə oxusun, və sonra surəni sonuna qədər oxusun. Bu minval ilə oxumağın qələbələrə və çoxlu mal əldə etməyə güclü təsiri vardır.

Hacətinin qəbul olunmasına xatir yatan zaman bu surəni yeddi dəfə oxusun.

Bu surəni oxuyub davam etdirməklə həbsxanadan azad olmasına təsir edər.

Hər kəsin qızdırması olsa, Ləyl surəsini yazıb suyunu ona içirtsəniz şifa tapar.

Kəfhəmi «Bələdul-əmin» kitabında və Şeyxlər (alimlər) öz kitablarında yazıblar ki, əgər bir kəsin qarşısına müşkül çıxsa, və ondan yaxa qurtara bilməsə, pak bədənlə pak yatağa girsin, (lakin həyat yoldaşı ilə birlikdə yatmasın) yeddi dəfə də Ləyl surəsini oxusun. Ondan sonra yalvara-yalvara Allahdan belə istəsin.

"Allahumməcəl li min əmri fərəcin və məxrəcən."

Birinci ya, üçüncü ya beşinci, ya da yeddinci gecə də bir şəxs onun yuxusuna gəlib onun müşkülünün həllində ona kömək edəcəkdir. Allahu ələm.

Əqəbə ibn Amirdən nəql olunub ki, o belə dedi: Allahın Rəsulu (s.ə.v.v) Zuha namazını Şəms və Zuha surələri ilə qılmağımızı bizə əmr etdi.

Nəbiyyi-Əkrəm (s.ə.v.v) buyurdu: Bir kəs Zuha surəsini oxusa, Allah onlardan razı olmuş şəxslərdən olar, və Həzrət Məhəmmədin (s.ə.v.v) öhdəsindir ki, onu şəfaət etsin, və hər bir yetim uşağın və sailin (camaata əl açan) sayı qədər ona on həsənə veriləcək.

Deyirlər ki, hər zaman qayib olanı (hüzurunda olmayanı) huzuruna gətirmək istəyirsənsə, Zuha surəsini on bir dəfə oxusan hüzuruna gələr.

Hər kəs qırx gecə özüdə mübarək gecələrdə (cümə axşamı kimi), təharətlə (pak) üzü qibləyə durub fasiləsiz və başqası ilə danışmadan hər hansı niyyəti üçün oxusa, hacəti qəbul ounar.

Allahın Rəsulu (s.ə.v.v) buyurdu: Bir kəs Ələm nəşrəh surəsini oxusa, Allah ona o Həzrəti (s.ə.v.v) qəmgin görüb, sonra o Həzrətin çöhrəsindən və qəlbindən qəm və qüssəni aparan şəxsin əcrini əta edər.

Nəbiyyi-Əkrəm (s.ə.v.v) buyurdu: Hər kəs bu surəni oxusa, mənimlə görüşmüş şəxsin muzdunu alar, və onu şəfaət etmək mənim öhdəmədir.

Çoxlu xeyir və bərəkət görmək üçün hər gün Zariyat, və İnşirah, Təlaq, və Muzzəmmil surələrini oxusun.

Hər bir mühüm mətləbin hasil olması üçün aşağıdakı xətmə üç gün əməl etsin:

Hər gün yeddi dəfə həmdi (surəni) oxuyub, yeddi yüz dəfə salavat göndərib, səksən dəfə İnşirah surəsini oxusun, sonra min bir dəfə Tovhid surəsini və yenidən yeddi dəfə Həmd surəsini və yenidən yeddi dəfə həmd surəsini oxuyub, min dəfə salavat göndərsin hacəti qəbul olunar.

Pullu və qüdrətli olmaqdan ötrü səfər ayının axırıncı çaharşənbə (üçüncü gün) günü İnşirah, Tin, Tovhid surələrinin hər birini yeddi dəfə oxusun. (təcrübə olunub)

Bir məclisdə hacətinin qəbul olunması üçün bu surəni qırx bir dəfə oxu.

Deyirlər ki, doğuşun asan olması üçün İnşirah surəsini yazıb, onu yuyub, suyunu hamilə qadına içirtsəniz, doğuşu asan və tez qurtarar. Bu surənin suyu sidik kisənin daşı üçün də faydalıdır.

Yeddi yaşına çatmamış və süd dişləri tökülməmiş qız uşağı sapı yeddi qat edib Ələm nəşrəh surəsini ona oxusun hər dəfə Kaf hərfini oxudu bir düyün vursun, yeddi düyün tamam olandan sonra yeddi dəfə İnşirah surəsini oxusun, və sonra su çiçəyi olan kəsin gözünün qabağında ass, su çiçəyi sağalar.

"Bəhrul-Mənabe" kitabında yazıb ki, sinə və mədə ağrısı üçün İnşirah sursini oxuyub ağrıyan yerə üfürün.

Nəbiyyi-Əkrəm (s.ə.v.v.) buyurdu: Hər kəs Tin surəsini oxusa, Allah ona iki xisləti (xüsusiyyəti) əta edər; 1-Afiyət, (sağlamlıq) 2-Nə qədər ki dünydadır yəqini olar, və hər vaxt dünyadan köçdü, Allah bu surəni oxuyanların sayı qədər və bir oruc tutmağın savabının əcrini ona əta edər.

2-İmam Sadiq (ə) buyurdu: Bir kəs vacibi və müstəhəbbi namazlarında Tin surəsini oxusa, Behiştin hansı yerini bəyənsə, ona verərlər, inşaallah.

Bu surə hər hansı xörəyə oxunsa, onda şifa olar.

İmam Sadiq (ə) buyurdu: Hər kəs "İqrə bismi rəbbikə" surəsini gecə yaxud gündüz oxusa, və həmin gecə yaxud gündüz dünyadan köçsə, şəhid kimi köçmüşdür. Allah qəbirdən onu şəhid kimi qaldırar, şəhid kimi dirildər, və peyğəmbərin rəhbərliyi altında öz qılıncı ilə Allah yolunda cihad etmiş kəs kimi olar.

Hər kəs dəniz səfərinə çıxanda bu surəni oxusa, dənizdə qərq olmaz.

1-İmam Sadiq (ə) buyurdu: Bir kəs "İnna ənzəlnahu fi ləylətil qədr" surəsini ucadan avazla oxusa, Allah yolunda qılınc vurmuş kəs kimi olar. Əgər bir kəs onu yavaş oxusa, Allah yolunda öz qanına bulaşmış mücahid kimi olar. Bir kəs bu surəni on dəfə oxusa, Allah onun əməl dəftərindən min günahını silər.

İmam Sadiq (ə) buyurdu: Bir kəs özünün vacib namazlarının birində "İnna ənzəlna" surəsini oxusa, haqq munadi nida edərək deyər ki, ey mənim bəndəm Allah sənin keçmiş günahlarını bağışladı, əməlini yenidən başla.

Ruzinin çoxalması üçün hər gün sübh namazından sonra on dəfə İnna ənzəlna surəsini oxusa, Allahın qüdrətini müşahidə edər. (Minhacul-arifin).

Hər kəs bu surəni oxusa, elə bilki, mübarək ramazan ayının hamısını oruc tutmuş və Qədr gecələrini də əhya saxlamışdır.

Hər kim bu surəni evə daxil və evdən xaric olan zaman oxusa, Şeytan ondan uşaqlaşıb, ona zərər yetirə bilməz.

Hər kim bu surəni əzbərləsə və onu daim oxusa, elə bil ki, bütün elmləri əzbər etmişdir.

Hər kəs bu surəni sübh namazından sonra, günorta vaxtı, və əsr namazından sonra, on dəfə oxusa, əməlləri yazan mələklərdən minini otuz ilə qədər zəhmətə salar.

Hər kimi dan yeri söküləndə (günəş çıxmamış) yeddi dəfə Qədr surəsini oxusa, y etmiş sıra mələklər onayetmiş salavat göndərər və yetmiş dəfə ona rəhm edərlər.

Allah-taala min mələyi xəlq edər ki, otuz altı min il bu surəni oxuyana savab yazsınlar. Əgər belə etsə; yəni gündə yetmiş altı dəfə bu surəni oxusun. Sübh namazından qabaq yeddi dəfə, sübh namazından sonra, on dəfə günorta vaxtı nafilə namazlarını qılmazdan əvvəl on dəfə, Zöhr namazının nafilələrini qılandan sonra iyirmi dəfə, əsr namazından sonra yeddi dəfə, İşa namazından sonra yeddi dəfə və yatan zaman on bir dəfə oxusun.

Hər bir mömin şəxs dəstəmaz alanda bu surəni oxusa, günahları silinər anadan təzə doğulduğu gün kimi olar.

Yatan zaman Qədr surəsini on bir dəfə oxusa, Allah-taala on bir mələyi onu sübhə qədər Şeytanın şərrindən qorumaq üçün göndərər.

Hər hansı hacətin qəbul olunmasına xatir hər gün bu surəni üç yüz altımış dəfə oxusa, hər bir hacəti qəbul olar. Bu surəni deyilən qədər oxusan, fəqirliyi, ehtiyaclılığı aradan qaldırmaq, və rizq-ruzinin çoxalması, qüdrətli olmaq üçün təcrübə olunmuşdur.

1-İmam Baqir (ə) buyurdu: Bir kəs "Ləm yəkun" surəsini oxusa, şirkdən uzaq olub, onu Məhəmmədin (s.ə.v.v) dininə daxil edərlər. Böyük Allah onu Qiyamətdə mömin simasında qəbirdən qalıdırar və onun hesabını asan çəkər.

2-Allahın Rəsulu (s.ə.v.v) buyurdu: Hər kəs Ləm yəkun surəsini vətəndə və yaxud səfərdə oxusa, Qiyamət günündə Xəyrul-bəriyyə ilə birlikdə olacaqdır. Əbiddərdadan rəvayət olunub ki, Nəbiyyi-Əkrəm (s.ə.v.v) belə buyurdu: Əgər insanlar Ləm yəkun surəsinin necə təsirli və faydalı olduğunu bilsəydilər, ailə işlərini və mal toplamağı tətil edib, onu öyrənərdilər. Xəzaə qəbiləsindən olan bir kişi dedi: Xəzaə qəbiləsindən olan bir kişi dedi: Ya Rəsullah (s.ə.v.v) onun oxumağın nə əcri vardır? Həzrət buyurdu: Allah-taalaya qarşı qəlbində şəkk olan adam və münafiq heç vaxt onu oxumaz. Allaha and olsun ki, Mələklər Allah səmaları və yerləri yaradan gündən onu oxuyurlar, və onu oxumaqdan yorulmurlar. Allah bu surəni gecə oxuyan və üçün mələkləri seçər ki, onu dinində və dünyasında qoruyub, onun üçün bağışlanmaq və rəhmət tələb edərlər.

Beləliklə əgər bu surəni bir kəs gündüzlər oxusa, Allah ona, günəş saçmış və gecənin qaranlığı on pərdə çəkilmiş mövcudatın sayı qədər savab əta edər. Sonra Qeys Əylan qəbilsindən olan bir kişi dedi: Ya Rəsullah: Atam anam sizə fəda olsun, bu hədisi çox izah edin. Həzrət buyurdu: "Əmmə yətəsaəlun". "Qaf vəl Quranil Məcid" "Əssəmai zatil buruc" "Əssəmai vəttariq" surələrini öyrənin. Əgər siz onları öyrənib və öyrətmətdə nə qədər əcr və savab olduğunu bilsəydiniz, yəqin ki, hər biri işdən əl çəkib onları öyrənərdiniz, və onları öyrətməklə Allaha yaxınlaşmaq səbəbinə nail olardınız. Allah şirkdən başqa, hər bir günahı bu surələrin oxunması səbəbilə bağışlayar. Bilin Mülk və padşahlıq o Allahın əlindədir ki, Qiyamət günündə bu surələrin sahiblərindən mücadilə edib, onların günahlarını bağışlayar.

İmam Sadiq (ə) buyurdu: "İza zulzilətil ərzu" surəsini oxumaqdan yorulmayın, çünki bir kəs nafilə (müsətəhəb) namazlarında bu surəni oxusa, Allah onu heç vaxt zəlzələ, ildırım vurması və bunun kimi dünya bəlaları ilə həlak etməz. Necəki o dünyadan köçdü və Behiştə getmək əmrini alsa, o zaman Allah-taala onun fərmanını verib buyurar: Ey mənim bəndəm Behiştimi sənə Mubah etdim, indi heç bir maneə olmadan onun hər hansı yerində istəyirsən özünə mənzil seç.

Nəbiyyi-Əkrəm (s.ə.v.v) buyurdu: Bir kəs bu surəni (Zilzal) oxusa, elə bil ki, Bəqərə surəsini oxumuşdur, və ona həmin surəni oxumağın əcrini verərlər, (yəni Quranın dördə birini oxumağın).

Nəbiyyi-Əkrəm (s.ə.v.v) əshabələrindən bir kişiyə xiğab edərək buyurdu: Evlənmisən? Dedi: Yox, çünki evlənmək üçün əlimdə bir şeyim yoxdur. Həzrət buyurdu: "Qul huvəllahu əhəd" surəsini bilirsənmi? Dedi: Bəli, Həzrət yenə buyurdu: Bu surə Quranın dörddə biridir. Həzrət sonra buyurdu:

"Qul ya əyyuhəl kafirun" surəsini bilirsənmi?

O kişi dedi: Bəli.

Həzrət buyurdu: Bu surədə Quranın dörddə biridir. Sonra buyurdu:

"İza zulzilət" surəsini bilirsənmi?

O kişi dedi: Bəli.

Həzrət yenə buyurdu: Bu surə də Quranın dörddə biridir. Həzrət sözünün davamında buyurdu: Evlən, evlən, evlən. (Bu surələri həyat yoldaşın üçün məhriyyə ünvanında qərar ver.).

1-İmam Sadiq (ə) buyurdu: Bir kəs Adiyat surəsini oxusa, və onu oxumağı davam etdirsə, Allah Qiyamətdə onu Əmirəl-mömininlə (ə) məşhur edər və bir otaqda o Həzrətin həmdəmlərindən olar.

2-Nəbiyyi-Əkrəm (s.ə.v.v) buyurdu: Hər kəs Adiyat oxusa, ona müzdəlifədə (məşərul-haramda yer adı) oyaq qalmış və Ərəfatda hazır olmuş kəslərin sayı qədər on həsənə verilər.

Hər kəs ağrıdan, aclıqdan, susuzluqdan, və borcdan xilas olmaq istəyirsə, Həzrət Əlinin (ə) adını sayı qədər, yə‎ni yüz on dəfə bu surəni oxusa, çox faydalıdır.

Və həmçinin ruzinin çoxalması üçün yazıb özündə saxlasın.

1-İmam Baqir (ə) buyurdu: Hər kəs Qariə surəsini çox oxusa, Allah-taala onu dünyada Dəccalın fitnəsindən, onun dəvətini qəbul etməkdən, və Qiyamətdə Cəhənnəm çirkinliklərindən yaxud onun yandırıcı istisindən amanda saxlayar.

2-Übəyy ibn Kəbin nəql etdiyi hədisdə yazılıb ki, hər kəs Qariə surəsini oxusa, Allah Qiyamətdə buna xatir onun əməl dəftərini ağır edər.

Hər hansı mühüm mətləb üçün əl-Qariə surəsini yüz səkksən dəfə oxusun, təcrübə olunub. Əgər onun məişəti (güzəranı) ağır keçirsə, bu surəni yazıb özündə saxlasa, ruzisi çoxalar, inşaallah.

Hər hansı zəruri hacətin üçün bu surəni yazıb özündə saxlasın.