İslam-Kitabxanasıİslam-Kitabxanası

Azan vaxtları
Saytda axtar
Saytın menyusu
Kitabxana əxlaq
Zərif nöqtələr [5]
Böyük rəhbər ayətullah Xameneinin həyatından əhvalatlar [16]
Həyat dərsi [5]
İslam dünyagörüşü - Cəmiyyət və tarix [16]
İnsan və mənəviyyat [10]
İmam Hüseynin (ə) əxlaqi görüşləri [0]
Xəbərdarlıq [3]
“Miratur-rəşad” (hidayət güzgüsü) [15]
İslamda ailə 2 [16]
İslamda ailə 1 [16]
Fəsad sərçeşməsi (Şeytan tələsi) [6]
İslamda Əxlaq 2 [20]
İslamda Əxlaq 1 [26]
İmam Sadiqin (ə) bəyani ilə yaranışın sirləri [8]
Siddiqeyi-Tahirə (ə) 2 [13]
Siddiqeyi-Tahirə (ə) 1 [12]
Ailə səadətinə necə nail olaq? [18]
Kumeyl duasının şərhi 2 [13]
Kumeyl duasının şərhi 1 [12]
Minacatın əzəməti [13]
Ey ata, ey ana, biz müttəhimik [5]
Qadın - Fatimə Fatimədir [14]
Nəsihətlər [26]
İslam dünyagörüşü - Əbədi həyat [5]
Din təlimləri 2-ci cild (Uşaqlar və yeniyetmələr üçün dərslik) [30]
Din təlimləri 1-ci cild (Uşaqlar və yeniyetmələr üçün dərslik) [31]
İslam dünyagörüşü - İnsan Quranda [5]
İnsanı tanımaq [21]
Axirət azuqəsi 2-ci cild (Peyğəmbərin (s) Əbuzərə nəsihətləri) [24]
Axirət azuqəsi 1-ci cild (Peyğəmbərin (s) Əbuzərə nəsihətləri) [19]
Ariflərdən [9]
İslam dunyagörüşü İnsan və iman [6]
Əxlaqi və psixoloji çatışmazlıqların araşdırılması [19]
İslam və qərb mədəniyyəti [15]
Əbədi öyüd (ikinci cild) [22]
Əbədi öyüd (birinci cild) [23]
İlahi nəsihətlər [15]
Gəncliyin yeddi səması (zəruri dini biliklər) [9]
İslamda nümunəvi qadınlar – Fatimə (ə) [149]
Günahşünaslıq [19]
Nəfsin saflaşdırılması [24]
İslamda qəhrəman qadınlar [20]
Kəramət sahibləri [13]
Kamil insan [30]
Şəhadət yatağında Mövlanın (ə) öyüdü [17]
Rəbbin dərgahında [22]
İmam Hüseynin (ə) əxlaqi görüşləri [11]
İbrət güzgüsü [14]
İmam Zamanla görüşənlər [15]
Allaha doğru [33]
Allahın elçisi [20]
Sadiq yol axtaranlar üçün imam Sadiqin (ə) nəsihətləri [29]
Məhəbbət iksiri [26]
Hicab [14]
Kaş valideynlərim biləydi! [14]
Ayətullahül-üzma Behcətin həyatı [14]
Nəfsi saflaşdırmadan qabaq özünütanıma [4]
Övsafül-Əşraf [7]
Gənc ailələr üçün göstərişlər [6]
Əxlaq elmində 50 dərs [51]
İslamda övlad [1]
Islamda evlənmə və ailə hüququ-2 [11]
Islamda evlənmə və ailə hüququ-1 [13]
Bizim sorgumuz
Ramazan ayında oruc tutmusuzmu?
Total of answers: 2043
Saytın menyusu
Şərhlər: 14
Rəsmlər: 618
Əxlaq: 1118
Müxtəlif: 481
Etiqat, Tarix, Fəlsəfə: 1448
Quran, Hədis, İslam təlimləri, Fiqh: 1131
Statistika

Burda olanlar 1
Qonaqlar 1
İstifadəçilər 0
Son qeydiyyatçılar
  • Saday
  • Muhammed
  • Ferec313
  • Araz
  • Sebine
  • Sahib123
  • ali_araz
  • User
  • Aliakber313
  • Salman-m
  • Main » Articles » Quran » Nur təfsiri (6-cı cild)

    Nur təfsiri (6-cı cild)
    YUSİFİN SİMASI
    (MÜVƏFFƏQ BİR RƏHBƏRİN XÜSUSİYYƏTLƏRİ)
    Həzrət Yusifin əhvalatının sonunda onun simasını nəzərdən keçiririk:
    1. Acı və şirin hallarda Allaha kamil diqqət;
    2. İstənilən bir qrupun azğın xəttindən üz döndərmək;
    3. Öndə gedənlərin doğru yolunu izləmək;
    4. Son nəfəsədək Allahın razılığı yolunda möhkəmlik;
    5. Rəqiblər qarşısında vüqar;
    6. Hadisələr qarşısında səbir;
    7. Paklıq və təqvanı rifahdan üstün tutmaq;
    8. Biganələr qarşısında məxfilik;
    9. Əhatəli elm;
    10. Gözəl və fəsahətli bəyan;
    11. Ailə möhkəmliyi;
    12. Fərqli düşünənlərlə müdara;
    13. İxlas;
    14. Başqalarının hidayətinə şövq;
    15. Planlaşdırma və yaradıcılıq;
    16. Təvazö və sadəlik;
    17. Əfv və güzəşt;
    18. Qəlbi genişlik;
    19. Əmanətdarlıq;
    20. Qonaqpərvərlik.
    Ayə 102:
    ذَلِكَ مِنْ أَنبَاء الْغَيْبِ نُوحِيهِ إِلَيْكَ وَمَا كُنتَ لَدَيْهِمْ إِذْ أَجْمَعُواْ أَمْرَهُمْ وَهُمْ يَمْكُرُونَ
    "(Ey peyğəmbər,) bu (əhvalat) sənə vəhy etdiyimiz qeybi xəbərlərdəndir. Onlar öz işlərində müttəfiq olanda və hiylə Quranda sən onların yanında deyildin.”
    Bildirişlər
    1. Peyğəmbərlər vəhy vasitəsi ilə qeyblə tanış olurlar.
    2. Peyğəmbərlər bütün qeybi xəbərləri bilmirlər.
    3. Allah istəməyən halda nə xalqın qərarının, nə onların icmasının, nə də qurğularının təsiri yoxdur.
    4. Ardıcıl və əlaqəli hadisələrdə əsas və başlanğıc nöqtəni nəzərdən qaçırmayın. Yusifin əhvalatının mehvəri onu aradan götürmək qurğusu idi.
    Ayə 103:
    وَمَا أَكْثَرُ النَّاسِ وَلَوْ حَرَصْتَ بِمُؤْمِنِينَ
    "(Ey peyğəmbər,) sən çox istəsən də insanların çoxu iman gətirən deyil.”
    Nöqtələr
    "Hirs” dedikdə bir şeyi çox istəmək və onu ələ gətirmək üçün səy nəzərdə tutulur.
    Bildirişlər
    1. Dəfələrlə xalqın əksəriyyəti dini etiqad baxımından Quran tərəfindən tənqid olunmuşdur.
    2. Peyğəmbərlər insanların hidayəti üçün canıyananlıq, iştiyaq göstərmişlər.
    3. Hərisliyin müsbət yönümü də var. (Peyğəmbər insanların iman gətirməsinə hərislik göstərirdi.)
    4. Xalqın əksəriyyətinin anlaqsızlığı və iman gətirməməsi dinin təbliğinə və haqqın bəyanına mane ola bilməz.
    5. Xalqın əksəriyyətinin iman gətirməməsi peyğəmbərlərin yox, iman gətirmək istəməyənlərin təqsirindəndir.
    Ayə 104:
    وَمَا تَسْأَلُهُمْ عَلَيْهِ مِنْ أَجْرٍ إِنْ هُوَ إِلاَّ ذِكْرٌ لِّلْعَالَمِينَ
    "Sən buna görə onlardan heç bir mükafat istəmirsən. O, (risalət və Quran) məxluqat üçün yalnız öyüd-nəsihətdir.”
    Nöqtələr
    İslam Peyğəmbəri (s) də digər peyğəmbərlər kimi insanların hidayəti müqabilində onlardan mükafat istəmirdi. Çünki hər hansı umacaq dəvətin qəbul olunmasını çətinləşdirir. "Tur” surəsinin 40-cı ayəsində oxuyuruq: "Xalqdan muzd istəyirdinmi ki, bunu ödəmək onlara ağır olsun?!” Başqa bir ayədə Əhli-beyt sevgisi risalət muzdu kimi təqdim olunur. Hansı ki, Əhli-beytə (ə) itaət Peyğəmbərə (s) yox, xalqın özü üçün faydalıdır. Çünki Quranın bir ayəsində belə buyurulur: "Mənim mükafatım yalnız Allaha aiddir.” Bəli, Əhli-beyti sevib, onlara itaət edənlər Allaha və Peyğəmbərə (s) itaət edirlər.
    Quran zikrdir (yəni xatırlatmadır). Çünki Quran ilahi ayələri, nemətləri və sifətləri, keçmişi və gələcəyi, süqut və izzət amillərini, qiyamət səhnələrini, varlıq aləminin əzəmətini, tarix yaradan şəxsiyyətlərin həyatını xatırladır.
    Quran maarifi və onun hökmləri öyrəniləsi və yadda saxlanılası bir həqiqətdir. Çünki "Zikr” dedikdə zehndə hazır olan və yaddan çıxarılmayan elm və mərifət nəzərdə tutulur.
    Bildirişlər
    1. Təbliğatçılar da peyğəmbərlər kimi xalqdan nəsə ummamalıdırlar.
    2. Əvəz və mükafat almaq yox, onu istəmək pisdir.
    3. Quran maarifi fitridir və bütün xalq ondan bəhrələnə bilir. İnsan bir şeyi bildiyi, amma unutduğu halda zikrin yeri var.
    4. Peyğəmbərlərin işi xatırlatmaq və fitrətləri oyatmaqdır.
    5. İslam Peyğəmbərinin (s) risaləti ümumbəşəri.
    6. Xalqın bir dəstəsinin, hətta əksəriyyətinin eyni bir vaxtda və məkanda iman gətirməməsi dini təbliğatçını məyus etməməlidir. Əgər bir məntəqədə insanlar iman gətirmədilərsə, başqa bir məntəqədə təbliğ olunmalıdır.
    Ayə 105:
    وَكَأَيِّن مِّن آيَةٍ فِي السَّمَاوَاتِ وَالأَرْضِ يَمُرُّونَ عَلَيْهَا وَهُمْ عَنْهَا مُعْرِضُونَ
    "Göylərdə və yerdə nə çox nişanələr ki, onların yanından üz çevirmiş halda keçərlər.”
    Nöqtələr
    Bu ayə İslam Peyğəmbəri (s) və bütün həqiqi rəhbərlərə təsəlli verir. Əgər xalq əmr və tapşırıqlara etinasızlıq göstərirsə, nigaran olmaq lazım deyil. Onlar (əksəriyyət) Allahın təbiət və yaranışdakı qüdrət və hikmət nişanələri ilə daim rastlaşırlar, amma bir an belə düşünmürlər. Zəlzələlər, günəş və ay tutulmaları, şimşək, ulduzlar, kəhkəşanlar, bir sözlə hər şey göz qabağındadır. Amma onlar üz çevirirlər.
    "Yəmurrunə ələyha” cümləsi 3 cür mənalandırılır:
    1. İnsanların ilahi ayələrinin yanından ötüşüb onları müşahidə etməsi;
    2. İnsanların ötüb keçməsi dedikdə yerin hərəkəti nəzərdə tutulur. Çünki yer hərəkət etdikcə insan göy aləmini seyr edir.
    3. Göy nişanələrinin seyri, insanın kosmik gəmilərə süvar olması və bu peyklərin səmada hərəkəti ilə bağlı öngörənlikdir.
    Üz çevirmək qəflətdən də təhlükəlidir. İnsan bəzən daimi rabitədə olduğu çoxsaylı nişanələri nəinki yaddan çıxarır, hətta bilərəkdən onlardan üz çevirir.
    Bildirişlər
    1. Bütün varlıq aləmi allahşünaslıq nişanəsi və rəmzidir.
    2 İnsan inadkar olsa heç bir nişanəni qəbul etməz.
    3. Dərin düşüncə ilə müşayiət olunmayan səthi baxış hidayət və tərbiyə üçün zəmin deyil.
    4. Elm təklikdə bəs etmir, iman əldə etmək üçün haqqın qəbulu da lazımdır.
    5. Əhvalatın "əhsənul-qəsəs”, yəni gözəl əhvalat olması bəs deyil. Ən mühümü bu böyük dərsləri qəbul edib işə salmaq üçün hazırlıqdır.
    Ayə 106:
    وَمَا يُؤْمِنُ أَكْثَرُهُمْ بِاللّهِ إِلاَّ وَهُم مُّشْرِكُونَ
    "Onların çoxu Allaha şərik qoşmadan iman gətirməz (imanları xalis deyil).”
    Nöqtələr
    İmam Riza (ə) buyurur: "Bu ayədə şirk dedikdə küfr və bütpərəstlik yox, Allahdan qeyrisinə diqqət nəzərdə tutulur.
    Nəql olunur ki, imam Sadiq (ə) buyurmuşdur: "Şirk insanda qaranlıq gecədə qara daş üstə yeriyən qara qarışqadan da məxfi hərəkət edir.”
    İmam Baqir (ə) buyurur: "İnsanlar ibadətdə müvəhhid (təkallahçı) olsalar da, itaətdə Allahdan qeyrisini şərik qoşurlar.” Digər rəvayətlərdə oxuyuruq ki, bu ayədə şirk dedikdə nemətə qarşı şirk nəzərdə tutulur. Məsələn, insan dilinə gətirir ki, işimi filankəs düzəltdi, əgər filankəs olmasaydı məhv olardıq.
    Bildirişlər
    1. İmanın mərtəbələri var. Şirk qatqısı olmayan xalis iman azdır.
    Xalis möminlik nişanələri:
    1. İnfaq edərkən kimsədən mükafat və təşəkkür gözləməmək.
    2. İbadətdə Allahdan qeyrisinə bəndəlik etməmək.
    3. Təbliğdə Allahdan qeyrisindən əvəz gözləməmək.
    4. Evlənmək məsələsində yoxsulluqdan qorxmamaq və Allaha təvəkkül etməklə evlənmək.
    5. Xalqla rəftarında Allahın razılığından savay hər şeyi kənara qoymaq.
    6. Düşmənlə qarşılaşdıqda yalnız və yalnız Allahdan qorxmaq.
    7. Allah qədər kimsəni sevməmək.
    8. Ticarətdə, həyat fəaliyyətində Allahı unutmamaq.
    MÜŞRİK
    (ŞƏRİK QOŞAN, XALİS OLMAYAN) MÖMİNİN NİŞANƏLƏRİ:
    1. İzzəti başqalarından gözləmək.
    2. Yaxşı işi pis işə qatmaq.
    3. Başqaları ilə rəftarda partiya və dəstə təəssübü çəkmək.
    4. İbadətdə diqqətsizlik və riyakarlıq.
    5. Döyüşdə xalqdan qorxmaq.
    6. Ticarət və dünya işlərində daha çox əldə etmək meyli.
    7. Din və dünya seçimində dünyanı götürüb Peyğəmbəri (s) tənha qoymaq.
    Ayə 107:
    أَفَأَمِنُواْ أَن تَأْتِيَهُمْ غَاشِيَةٌ مِّنْ عَذَابِ اللّهِ أَوْ تَأْتِيَهُمُ السَّاعَةُ بَغْتَةً وَهُمْ لاَ يَشْعُرُونَ
    "Görən (iman gətirməyənlər) ilahi əzabın onları bürüyəcəyindən və ya Qiyamətin qəfildən bərpa olacağından amandadırlarmı?”
    Nöqtələr
    "Ğaşiyə” dedikdə cəmiyyət və ya fərdi əhatə edən əzab nəzərdə tutulur.
    Bildirişlər
    1. Kimsə özünü sığortalanmış saymasın.
    2. İnsanın doğru yolu tutması üçün onun ilahi əzabı mümkün sayması kifayətdir. Məsələ bundadır ki, bəziləri belə bir ehtimal da vermir.
    3. Allahın qəzəbi əhatəlidir və bu əzabdan qaçmaq mümkünsüzdür.
    4. İnsanın bədbəxt olması üçün cüzi əzab bəsdir.
    5. Qiyamətin yada salınması tərbiyə amilidir.
    Ayə 108:
    قُلْ هَـذِهِ سَبِيلِي أَدْعُو إِلَى اللّهِ عَلَى بَصِيرَةٍ أَنَاْ وَمَنِ اتَّبَعَنِي وَسُبْحَانَ اللّهِ وَمَا أَنَاْ مِنَ الْمُشْرِكِينَ
    "(Ey peyğəmbər! Sən də) de: «Bu mənim yolumdur.» Mən və mənə tabe olan hər kəs bəsirətli halda Allaha doğru dəvət edirik. Allah pakdır və mən müşriklərdən deyiləm.”
    Nöqtələr
    Tövhidə dəvət edən insan xof kütləsindən fərqlənir. Ötən iki ayədə dedik ki, xalqın əksəri xalis iman gətirmir. Din təbliğatçısı isə "mən müşriklərdən deyiləm” deyə bilməlidir.
    Bildirişlər
    1. Peyğəmbərlərin yolu aydındır və hamının tanıyacağı şəkildə göz qabağındadır.
    2. Haqq yolun yolçuları öz mövqelərini açıq şəkildə, qorxu-hürküsüz bəyan etməlidirlər.
    3. Rəhbər xalqı özünə doğru yox, Allaha doğru çağırmalıdır.
    4. Rəhbərin kamil bəsirəti olmalıdır.
    5. Xalqı gözü bağlı, məlumatlandırmadan bir işə dəvət etmək olmaz.
    6. Peyğəmbərin hər bir ardıcılı xalqı bəsirət və agahlıqla Allaha doğru dəvət edən təbliğatçı olmalıdır.
    7. Allahı hər növ şirk və şərikdən pak tanıtdırmaq təbliğ mehvəridir.
    8. Din təbliğatçısı şirkdən uzaq, xalis şəxs olmalıdır.
    9. İslam dininin əsası tövhid və şirkdən uzaqlıqdır.
    Ayə 109:
    وَمَا أَرْسَلْنَا مِن قَبْلِكَ إِلاَّ رِجَالاً نُّوحِي إِلَيْهِم مِّنْ أَهْلِ الْقُرَى أَفَلَمْ يَسِيرُواْ فِي الأَرْضِ فَيَنظُرُواْ كَيْفَ كَانَ عَاقِبَةُ الَّذِينَ مِن قَبْلِهِمْ وَلَدَارُ الآخِرَةِ خَيْرٌ لِّلَّذِينَ اتَّقَواْ أَفَلاَ تَعْقِلُونَ
    "Səndən öncə abadlıq əhlindən olan, özlərinə də vəhy etdiyimiz kişilər göndərdik. Özlərindən əvvəlkilərin aqibətini görmək üçün yer üzünü gəzmədilərmi? Şübhəsiz, təqva yolunu seçənlər üçün axirət evi daha üstündür. Yoxsa düşünmürsünüz?”
    Nöqtələr
    Peyğəmbərlərin müxalifləri dəfələrlə irad tuturdular ki, nə üçün peyğəmbərlər onlar kimi adi insandırlar? Görünür, İslam Peyğəmbərinin (s) dövründə də xalq bu sayaq suallar ünvanladığından bu ayədə həm cavab verilir, həm də xəbərdarlıq olunur.
    Bildirişlər
    1. Bütün peyğəmbərlər kişi cinsindən olmuşlar. Çünki kişinin təbliğ, hicrət və səy göstərmə imkanı daha çoxdur.
    2. Peyğəmbərlərin elmi vəhy yolu ilə əldə olunur, bir növ "lədunni”, zatidir.
    3. Peyğəmbərlər insan nəslindən olmuş və insanlar arasında yaşamışlar. (Onlar nə mələk, nə guşənişin, nə də rifah əhli olmuşlar).
    4. Hərəkət və səfər məqsədli olmalıdır.
    5. Birbaşa müşahidə həqiqəti əldə etməyin ən münasib üsullarındandır.
    6. Yer üzündə hərəkət və səyahət, tarixdən xəbərdarlıq və ibrət dərsi götürülməsi hidayət və tərbiyə üçün faydalıdır.
    7. Qədim əsərlər gələcək nəsillərin baxıb ibrət götürməsi üçün hifz olunmalıdır.
    8. Peyğəmbərlərin göndərilməsi, vəhyin nazil olması, inadkar müxaliflərin məhvi tarixi reallığa çevrilmiş ilahi sünnələrdəndir.
    9. Kafirlər peyğəmbərlərlə müxalifətçilikdən heç nə qazanmırlar və dünyada qəhr-qəzəbə düçar olurlar. Təqva əhli isə dünyadan üstün olan axirətə yol tapır.
    10. Bəşərin ağıl və düşüncəsinin işə salınması Quran və peyğəmbərlik məqsədlərindəndir.
    11. Ağıl və düşüncə insanı peyğəmbər məktəbinə doğru irəli aparır.
    Ayə 110:
    حَتَّى إِذَا اسْتَيْأَسَ الرُّسُلُ وَظَنُّواْ أَنَّهُمْ قَدْ كُذِبُواْ جَاءهُمْ نَصْرُنَا فَنُجِّيَ مَن نَّشَاء وَلاَ يُرَدُّ بَأْسُنَا عَنِ الْقَوْمِ الْمُجْرِمِينَ
    "(Peyğəmbərlərin dəvəti və düşmənlərin müxalifəti davam edirdi) o vaxta qədər ki, peyğəmbərlər (xalqın hidayətindən) ümidlərini üzəcək hala gəldilər və kafirlər güman etdilər ki, (əzab haqqında) onlara yalan deyilmişdir. Həmin vaxt yardımımız onlara yetişdi. İstədiyimiz kəslər nicat tapdı. Amma əzabımız günahkar qövm üzərindən götürülməz.”
    Nöqtələr
    Tarix boyu peyğəmbərlər xalqın hidayətindən ümidlərini üzənədək ardıcıl və israrlı şəkildə haqqa dəvət etmişlər. İnadkar müxaliflər də öz müqavimətlərindən əl çəkməmişlər. Deyilənlərin bəzi nümunələrini nəzərdən keçirək:
    a) Peyğəmbərlərin məyus olması: Həzrət Nuh xalqı ardıcıl şəkildə uzun illər dəvət etdikdən sonra yalnız az bir qisim iman gətirdi. Allah ona buyurdu: "İman gətirənlərdən savay qövmündən bir başqası iman gətirməyəcək.” Nuh ümidsizliyini göstərən nifrinində deyir: "Bunlardan yalnız günahkar və kafirlər doğulacaq.” Hud, Saleh, Şüeyb, Musa, İsanın həyat və fəaliyyətində də xalqın iman gətirməməsindən doğan ümidsizlik nəzərə çarpır.
    b) Xalqın peyğəmbərlərə bədgümanlığı: kafirlər peyğəmbərlərin hədələrini uydurma hesab edirdilər. "Hud” surəsinin 27-ci ayəsində oxuyuruq: "Elə düşünürük ki, siz yalançısınız.” Başqa bir ayədə Firon Musaya dedi: "Həqiqətən, sənin ovsunlandığını güman edirəm.”
    v) Allahın yardımı: Quran ilahi yardımı Allahın Özü üçün vacib etdiyi haqq sayır. Bəli, Allah möminlərə yardımı Özü üçün zəruri etmişdir. Digər bir yerdə oxuyuruq: "Biz Huda və möminlərə nicat verdik.”
    Günahkarların ilahi qəhr-qəzəbdən qurtulmaması ilə bağlı buyurulur: "Allah bir qövmə qəhr etsə, dönüş yoxdur.”
    Bildirişlər
    1. Daşqəlblilik və inadkarlıq insanda elə bir həddə çata bilər ki, peyğəmbər də ondan ümidini üzər.
    2. Xoşgümanlığın, hövsələnin də həddi vardır.
    3. Gücünüzü çıxarsız işlərə sərf etməyin, bəzi insanlardan gözünüzü çəkin.
    4. Günahkarlara möhlət verib onların əzabını təxirə salmaq ilahi sünnələrdəndir. Peyğəmbərlər məyus olanadək günahkarlara möhlət verildi.
    5. İlahi əzabın təxirə düşməsi günahkarların cürət və təkzibinə səbəb olur.
    6. İlahi qəhr-qəzəbin nazil olma şərti peyğəmbərin xalqdan ümidini üzməsidir.
    7. Peyğəmbərlərə ilahi yardımın da öz vaxtı var.
    8. Peyğəmbərlər və həqiqi möminlər ilahi qəzəbə gəlmirlər.
    9. Həm qəhr və əzab, həm də lütf və yardım Allahın əlindədir.
    10. İnsanın qəzəbə gəlməsi və ya nicat tapması onun öz əlindədir.
    11. Allahın istək və iradəsi qanuna əsaslanır.
    12. Allah yolunda çıxılmaz vəziyyət yoxdur.
    13. Heç bir güc Allahın qəhr-qəzəbinə maneə ola bilməz.
    14. Peyğəmbərlərin himayəsi, günahkarların məhvi ilahi sünnədir.
    Ayə 111:
    لَقَدْ كَانَ فِي قَصَصِهِمْ عِبْرَةٌ لِّأُوْلِي الأَلْبَابِ مَا كَانَ حَدِيثًا يُفْتَرَى وَلَـكِن تَصْدِيقَ الَّذِي بَيْنَ يَدَيْهِ وَتَفْصِيلَ كُلِّ شَيْءٍ وَهُدًى وَرَحْمَةً لِّقَوْمٍ يُؤْمِنُونَ
    "Həqiqətən, onların əhvalatında düşüncə sahibləri üçün ibrət var. Bu, uydurulmuş bir söz deyil, əksinə ondan əvvəl gələni, hər şeyi aydınladanı, iman gətirənlər üçün hidayət və rəhmət olanı (səmavi kitabı) təsdiq edəndir.”
    Nöqtələr
    "İbrət” və "təbir” sözləri ötüb-keçmək mənasını bildirir.”Yuxu təbiri” dedikdə, röyadan gerçəkliyə keçid nəzərdə tutulur. "İbrət” isə görünən və eşidilənlərdən görünməyən və eşidilməyənlərə keçid mənası daşıyır.
    "Qəsəsihim” sözü bütün peyğəmbərlərin dastanlarına işarə ola bilər. Burada Yusifin, Yəqubun, Yusifin qardaşlarının, Əzizi-Misrin əhvalatı nəzərdə tutula bilər. Məqsəd surədəki acı və şirin hadisələr də ola bilər.
    Bildirişlər
    1. Əhvalatı imtiyazlı edən onun ibrətamiz olmasıdır.
    2. Həzrət Yusif ona qarşı yönəlmiş hiylələrə, çətinliklərə baxmayaraq izzət və qüdrətə çatdığı kimi, İslam Peyğəmbəri (s) də bütün maneələri adlayaraq izzət və qüdrətə çatdı.
    3. Yalnız düşüncə sahibləri nəql olunan əhvalatlardan öyüd-nəsihət götürürlər.
    4. Quran əhvalatlarından ibrət götürülməsi bir dövrə aid zərurət deyil.
    5. Quran əhvalatları göz qabağında olan ibrətamiz gerçəkliklərin bəyanıdır.
    6. Düzgün və gerçək danışığın dərin təsiri var.
    7. Quran digər səmavi kitablarla tərəfdardır.
    8. Quran insanın bütün ehtiyaclarını bəyan edir.
    9. Quranda heç bir azğınlıq qatqısı yoxdur və sırf hidayətdir.
    10. Yalnız iman əhli Quranın hidayət və rəhmətindən bəhrələnir.
    11. Bir məsələni dəyərləndirib ibrət götürmək üçün ağıla ehtiyac var. İlahi nur və rəhmətə çatmaq üçün isə həm də iman lazımdır.
    12. Yusifin əhvalatı həqiqət axtaranlar üçün dəlil, düşüncə sahibləri üçün ibrət, iman əhli üçün hidayət və rəhmət səbəbidir.
    Category: Nur təfsiri (6-cı cild) | Added by: Islam_Kitabxanasi (2012-09-22)
    Views: 492 | Rating: 0.0/0
    Total comments: 0
    Only registered users can add comments.
    [ Registration | Login ]

    Quranda axtar
    Quran,Hədis,İslam təlimləri, Fiqh
    Quran
    İstifadəçi girişi
    Login:
    Password:
    Kitabxana əxlaq
    Etiqat, Tarix, Fəlsəfə, Dini yaradıcılıq
    Dost saytlar
  • İslamQadını
  • Günahkar-Bəndə
  • Kitablar yüklə
  • Bölmələr
    Tarix [535]
    Etiqat [869]
    Fəlsəfə [4]
    Dini yaradıcılıq [40]
    Bölmələr
    Quran [585]
    Hədis [253]
    İslam təlimləri [24]
    Fiqh [219]
    Azan vaxtları [1]
    Dua [26]
    Din [13]
    Namaz [10]
    Kateqoriyalar
    Quran təhrif olunmayıb [17]
    Quranın tilavәt qaydaları [22]
    Surələr Gülüstanı [26]
    Əl-Bəyan 1-ci cild [21]
    Əl-Bəyan 2-ci cild [22]
    Quranla dərman [10]
    Quranda Namaz [9]
    Qurani-Kərimin tərcüməsi [46]
    Quranda dunyaşünaslığın əsasları [24]
    Quran və Qiyamət “Tur” surəsinin təfsiri [13]
    Nurul-Quran (Bəqərə surəsinin 187-286-cı ayələrinin təfsiri) [11]
    Nurul-Quran (Bəqərə surəsinin 83-186-cı ayələrinin təfsiri) [12]
    Nurul-Quran (Fatihə və Bəqərə surəsinin 82-ci ayəyə qədər təfsiri) [12]
    Nurul-Quran (Ənam surəsinin təfsiri) [9]
    Nurul-Quran (Nisa surəsinin təfsiri) [13]
    Nurul-Quran (Maidə surəsinin təfsiri) [9]
    Nurul-Quran (Ali-İmran surəsinin təfsiri) [12]
    Quranın elmi ecazkarlığl [17]
    Nur təfsiri (1-ci cild) [31]
    Nur təfsiri (2-ci cild) [42]
    Nur təfsiri (3-cü cild) [34]
    Nur təfsiri (4-cü cild) [37]
    Nur təfsiri (5-ci cild) [26]
    Nur təfsiri (6-cı cild) [37]
    Nur təfsiri (7-ci cild) [60]
    Nur təfsiri (8-ci cild) [13]
    Nur təfsiri (9-cu cild) [0]
    Nur təfsiri (10-cu cild) [0]
    Nur təfsiri (11-ci cild) [0]
    Nur təfsiri (12-ci cild) [0]
    Rəsmlərimiz
    Copyright MyCorp © 2024