Hədis 246-329 Hədis 246: İmam Əli (ə) buyurur: "Çox çətinliklər mülayimliklə asanlaşır.” * * * Hədis 247: İmam Əli (ə) buyurur: "Çoxları axirət üçün olan əməli o qədər təxirə salır ki, axırı ölüm onun yaxasından yapışır.” * * * Hədis 248: İmam Əli (ə) buyurur: "Çoxlarının orucu susuz qalmaqdan başqa bir şey deyildir.” * * * Hədis 249: Həzrət Əli (ə) buyurur: "Çoxlarının namazı, əziyyət və yorğunluqdan başqa bir şey deyildir.” * * * Hədis 250: Həzrət Əli (ə) buyurur: "Əcəli çatdığı halda, mal toplamaqda olan bədbəxt nə çoxdur.” * * * Hədis 251: Həzrət Əli (ə) buyurur: "Özünü islah etməyən şəxs başqasını necə islah edə bilər?!” * * * Hədis 252: Həzrət Əli (ə) buyurur: "Qəlbini dünya məhəbbəti tutan kəs Allah sevgisini necə iddia edə bilər?!” * * * Hədis 253: Həzrət Əli (ə) buyurur: "Nadanlığın sübutu üçün insanın özündən razı olmağı yetər.” * * * Hədis 254: Həzrət Əli (ə) buyurur: "Hədsiz zarafat abır-həyanı aradan aparır və düşmənçiliyə səbəb olur.” * * * Hədis 255: Həzrət Əli (ə) buyurur: "Hədsiz zarafat axmaqlıq nişanəsidir.” * * * Hədis 256: Həzrət Əli (ə) buyurur: "Kömək etdiyin kimi kömək görərsən.” * * * Hədis 257: Həzrət Əli (ə) buyurur: "Axirəti üçün sədəqə verməyənlərə dünyanın heç bir faydası yoxdur.” * * * Hədis 258: Həzrət Əli (ə) buyurur: "Çox gülənin qəlbi ölər.” * * * Hədis 259: Həzrət Əli (ə) buyurur: "Başqalarının eyblərindən danışan kəs əvvəlcə öz eyblərindən başlamalıdır.” * * * Hədis 260: Həzrət Məhəmməd (s) buyurur: "Özün üçün bəyənmədiyini başqaları üçün bəyənmə. Özün üçün istədiyini qardaşın üçün də istə.” * * * Hədis 261: Həzrət Məhəmməd (s) buyurur: "Fikirləşmək kimi ibadət, məsləhətləşmək kimi etibarlı kömək yoxdur.” * * * Hədis 262: Həzrət Məhəmməd (s) buyurur: "Çox gülməkdən çəkin, çünki çox gülmək qəlbi öldürər.” * * * Hədis 263: Həzrət Məhəmməd (s) buyurur: "O şəxs bağışlanmağa daha layiqdir ki, intiqam almağa qüdrəti daha çoxdur.” * * * Hədis 264: Həzrət Məhəmməd (s) buyurur: "Xalqın ən dəyərlisi faydasız işdən uzaqlaşan kəsdir.” * * * Hədis 265: Həzrət Məhəmməd (s) buyurur: "Xoş o kəsin halına ki, öz eyblərinə məşğul olduğuna görə, möminlərdə eyb axtarmaqdan uzaqdır.” * * * Hədis 266: Həzrət Məhəmməd (s) buyurur: "Bilmədən bir iş görən şəxsin xarab etdiyi düzəltdiyindən çox olar.” * * * Hədis 267: Həzrət Məhəmməd (s) buyurur: "Hər kəs başqasının pis işini başqalarına bildirsə, özü o işi görmüş kimidir.” * * * Hədis 268: Həzrət Məhəmməd (s) buyurur: "İsrafçılıq yaxşı deyildir, amma yaxşı işdə israf yoxdur.” * * * Hədis 269: Həzrət Məhəmməd (s) buyurur: "Fürsətlər bulud kimi ötüşür.” * * * Hədis 270: Həzrət Məhəmməd (s) buyurur: "Xalqın malında gözü olan şəxs həmişə qəmgin olar.” * * * Hədis 271: Həzrət Məhəmməd (s) buyurur: "Xoş o kəsin halına ki, Allah qorxusu onu xalqın qorxusundan uzaqlaşdırmışdır.” * * * Hədis 272: Həzrət Əli (ə) buyurur: "Heç bir iş sənin başını qatıb axirət işindən uzaqlaşdırmamalıdır. Çünki ömür olduqca qısadır.” * * * Hədis 273: Həzrət Məhəmməd (s) buyurur: "Əzabı və əvəzi daha tez çatan günah nemətə qarşı naşükürlükdür.” * * * Hədis 274: Həzrət Məhəmməd (s) buyurur: "Özünü fəqirliyə vuran fəqir olar.” * * * Hədis 275: İmam Həsən (ə) buyurur: "Yaxşılıq odur ki, əvvəldə hey bu gün-sabaha salınmasın və sonradan da minnət qoyulmasın.” * * * Hədis 276: İmam Həsən (ə) buyurur: "Zarafat insanın zəhmini azaldar və az danışan şəxs öz zəhmini artırar.” * * * Hədis 277: İmam Həsən (ə) buyurur: "Düşünün, çünki düşüncə bəsirətli qəlb üçün həyat səbəbidir.” * * * Hədis 278: İmam Əli (ə) buyurur: "Tövbə və bağışlanma yolu olduğu halda ümidsizliyə qapılan şəxsə təəccüb edirəm.” * * * Hədis 279: İmam Həsən (ə) buyurur: "Oğlum, bir şəxsi yaxşı tanımamış, onunla dostluq etmə.” * * * Hədis 280: İmam Həsən (ə) buyurur: "Kərəm odur ki, sənə ağız açılmamış əta edəsən.” * * * Hədis 281: İmam Həsən (ə) buyurur: "Gözlərin ən üstünü xeyir işlərdə çalışan gözlərdir.” * * * Hədis 282: İmam Həsən (ə) buyurur: "Özündən razı olmaq sizin nəsihət qəbul etməyinizə mane olur.” * * * Hədis 283: İmam Həsən (ə) buyurur: "İbrətlərdən nəsihət alın və keçmişdəkilərin başlarına gələnlərdən ibrətlənin.” * * * Hədis 284: İmam Həsən (ə) buyurur: "Dünya və axirət ağıl və düşüncə ilə əldə edilər.” * * * Hədis 285: İmam Həsən (ə) buyurur: "Xoş xasiyyət qədər başqa heç bir şey həyatı şirin etmir.” * * * Hədis 286: İmam Həsən (ə) buyurur: "Elminizi başqalarına öyrədin və başqalarının elmini öyrənin.” * * * Hədis 287: İmam Həsən (ə) buyurur: "Ağılın kamilliyi xalqla xoş münasibətdə olmaqdır.” * * * Hədis 288: Həzrət Əli (ə) buyurur: "Qəzəb və şəhvətinə məğlub olan şəxs dördayaqlılar (heyvanlar) sırasındadır.” * * * Hədis 289: Həzrət Əli (ə) buyurur: "Qardaşına quyu qazanın özünü Allah o quyuya salar.” Hədis 290: Həzrət Əli (ə) buyurur: "Xalqın eybi dalınca gəzən adamın eybini Allah açar.” * * * Hədis 291: Həzrət Əli (ə) buyurur: "Başqalarının sirrini açan kəsin sirrini Allah açar.” * * * Hədis 292: Həzrət Əli (ə) buyurur: "Axirət işlərini qaydaya salanın dünya işlərini Allah qaydaya salar.” * * * Hədis 293: Həzrət Əli (ə) buyurur: "Allahın qəzavü-qədərinə imanı olan kəs başına gələnlərə əhəmiyyət verməz.” * * * Hədis 294: Həzrət Əli (ə) buyurur: "Özünü islah etməyən kəs başqasını islah edə bilməz.” * * * Hədis 295: Həzrət Əli (ə) buyurur: "Başqasını nəsihət etməyə o kəs layiqdir ki, özünü nəsihət edir.” * * * Hədis 296: Həzrət Əli (ə) buyurur: "Bütün qüvvəsini dünyaya sərf edən kəsin qiyamət günü ağrı və qüssəsi çox olar.” * * * Hədis 297: Həzrət Əli (ə) buyurur: "Üzr istəyən halda cəza vermək necə də pisdir!” * * * Hədis 298: Həzrət Əli (ə) buyurur: "Aşkarda görülməsi ayıb olan işi gizlində də görmə.” * * * Hədis 299: Həzrət Əli (ə) buyurur: "Çox pisdir ki, insanın zahiri gözəl, batini isə nöqsanlı olsun.” * * * Hədis 300: Həzrət Əli (ə) buyurur: "Xalqın bir-biri ilə xoş keçinməsi ən üstün əməllərdəndir.” * * * Hədis 301: Həzrət Məhəmməd (s) buyurur: "Allahı daha yaxşı tanıyan Ondan daha çox qorxar.” * * * Hədis 302: Həzrət Məhəmməd (s) buyurur: "Ən yaxşı əməl Allaha görə dost və Allaha görə düşmən olmaqdır.” * * * Hədis 303: Həzrət Məhəmməd (s) buyurur: "Möminlər bağışlayan və mülayimdirlər.” * * * Hədis 304: Həzrət Həsən (ə) buyurur: "Bir-biri ilə məşvərət edən xalq kamala yetişər.” * * * Hədis 305: İmam Həsən (ə) buyurur: "Sənə o kəs yaxındır ki, dostluq yolu ilə yaxın olsun, qohum olmasa da belə.” * * * Hədis 306: Həzrət Məhəmməd (s) buyurur: "Gizli dua aşkar duadan yetmiş dəfə təsirlidir.” * * * Hədis 307: Həzrət Məhəmməd (s) buyurur: "Vacib namazı vaxtı keçdikdən sonra qılan şəxs qiyamət günü mənim şəfaətimə nail olmaz.” * * * Hədis 308: Həzrət Əli (ə) buyurur: "Diri şəxsin ölüyə qovuşmağı nə qədər də yaxındır.” * * * Hədis 309: Həzrət Əli (ə) buyurur: "Dünyada əldə etdiklərin üçün o qədər də sevinmə.” * * * Hədis 310: Həzrət Əli (ə) buyurur: "Dünyada əlindən çıxanlara görə o qədər də qəm yemə.” * * * Hədis 311: Həzrət Əli (ə) buyurur: "Yediklərin aradan gedər, yedirtdiklərin isə qalar.” * * * Hədis 312: Həzrət Əli (ə) buyurur: "Hər nəfəs ölümə doğru atılan bir addımdır.” * * * Hədis 313: Həzrət Əli (ə) buyurur: "Sənə ən yaxın olan düşmən öz nəfsindir.” * * * Hədis 314: Həzrət Əli (ə) buyurur: "Yəqin üzündən olan yuxu şəkk ilə qılınan namazdan yaxşıdır.” * * * Hədis 315: Həzrət Əli (ə) buyurur: "Camaat içində birinə nəsihət vermək danlaqdır, nəsihət deyil.” * * * Hədis 316: Həzrət Əli (ə) buyurur: "Bəsirət kor olanda gözün görməyi faydasızdır.” * * * Hədis 317: Həzrət Əli (ə) buyurur: "Tam bilmədiyin şeyi danışma.” * * * Hədis 318: Həzrət Əli (ə) buyurur: "Sınaqdan çıxarmamış dosta etimad etmə.” * * * Hədis 319: Həzrət Əli (ə) buyurur: "Bir şəxsdən bilmədiyi bir şey barəsində soruşulsa, "bilmirəm” deməyə əsla utanmamalıdır.” * * * Hədis 320: Həzrət Əli (ə) buyurur: "Əsla, Qurandan başqa yerdə şəfa axtarmayasınız, çünki Quran bütün dərdlərin şəfasıdır.” * * * Hədis 321: Həzrət Əli (ə) buyurur: "Düşünmək kimi ibadət yoxdur.” * * * Hədis 322: Həzrət Məhəmməd (s) buyurur: "Hər eşitdiyini danışmağın sənin yalançılığının sübutu üçün bəsdir.” * * * Hədis 323: Həzrət Məhəmməd (s) buyurur: "Gizli sədəqə Pərvərdigarın qəzəbini söndürər.” * * * Hədis 324: Həzrət Məhəmməd (s) buyurur: "Dilini saxlayan kəsin eyblərini Allah örtər.” * * * Hədis 325: Həzrət Məhəmməd (s) buyurur: "Xalqın haqqını itirməyənlər Allaha ən çox şükür edənlərdir.” * * * Hədis 326: Həzrət Məhəmməd (s) buyurur: "Harada olursansa ol, Allahdan qorx.” * * * Hədis 327: Həzrət Məhəmməd (s) buyurur: "Mömin az xərcli və qanedir.” * * * Hədis 328: Həzrət Məhəmməd (s) buyurur: "Möminin şərəfi gecə oyaq qalmaq, izzəti isə xalqdan ehtiyacsızlıqdır.” * * * Hədis 329: Həzrət Məhəmməd (s) buyurur: "Mömin bir dəlikdən iki dəfə sancılmaz (səhvini təkrar etməz).” * * * |