Məsələ 2108: Əgər bir qadın bir uşağa (sonradan qeyd ediləcək məsələlər əsasında) süd versə, o qadın onun anası, süd ona aid olan kişi isə onun atası hökmündədir və o kişinin atası, babası, anası nənəsi, qardaşı, əmisi, bacısı bibisi, övladları isə onun qardaş və bacıları hesab olunurlar. Həmçinin, o qızın atası onun ana babası, anası ana nənəsi, qardaşı dayısı, bacısı xalası hesab olunur. Həmçinin, qadının süd verdiyi qız onun ərinə haramdır (bu şərtlə ki, o qadınla cinsi əlaqədə olsun). Habelə insan arvadının süd anası ilə evlənə bilməz, çünkü arvadının anası hökmündədir.

Başqa ifadə ilə, əgər uşağa aşağıda qeyd ediləcək halda süd versə, o uşaq bu qrup insanlara məhrəm olur:

1-O qadının özünə; ona süd anası deyilir.

2-Qadının ərinə; süd ona məxsusdur və ona da süd atası deyilir.

3-O qadının atası və anasına–nə qədər yuxarı getsələr də; hətta onun süd anası və süd atası da olsa.

4-O qadından dünyaya gələn, yaxud dünyaya gələcək uşaqlara;

5-O qadının övladlarının uşaqlarına, nə qədər aşağı getsə də; istər onun övladından dünyaya gəlsin, istərsə də onun övladı o uşaqlara süd vermiş olsun.

6-O qadının bacı və qardaşına, hətta süd vasitəsi ilə olsalar da;

7-O qadının əmisi və bibisinə, hətta süd vasitəsi ilə olsalar da;

8-O qadının xalası və dayısına, hətta süd vasitəsi ilə olsalar da;

9-O qadının süd ona məxsus olan ərinin övladlarına, nə qədər aşağı getsə və hətta onun süd vasitəsi ilə övladları olsalar da;

10-O qadının ərinin ata-anasına, nə qədər yuxarı getsə də;

11-Ərinin qardaşı və bacısına, hətta süd qardaşı və süd bacısı da olsa;

12-Süd ona aid olan ərin əmisi, bibisi, dayısı və xalasına, nə qədər yuxarı getsələr də, hətta südvermə yolu ilə də olsalar. Həmçinin sonrakı məsələlərdə deyiləcəyi kimi, bundan başqa bir neçə nəfər də südvermə yolu ilə məhrəm olurlar.

Məsələ 2109: Əgər qadın bir uşağa, sonradan deyiləcək şərtlər əsasında süd versə, uşağın atası o arvaddan dünyaya gələn qızlarla və vacib ehtiyata əsasən, süd ona məxsus olan ərin qızı ilə də evlənə bilməz. Vacib ehtiyata əsasən, onun süd qızları ilə də izdivac etməsinlər. Lakin, o arvadın başqa ərdən olan süd qızları ilə evlənməyin maneəsi yoxdur.

Məsələ 2110: Əgər bir qadın sonradan deyiləcək şərtlərlə uşağa süd versə o qadının əri (süd ona məxsusdur) o uşağın bacılarına məhrəm olmur, ancaq ehtiyat-müstəhəb budur ki, onlarla evlənməsin. Həmçinin ərin qohumları da o uşağın bacı və qardaşları ilə məhrəm olmur.

Məsələ 2111: Əgər qadın bir uşağa süd versə o uşağın qardaşlarına məhrəm olmur. Həmçinin o qadının qohumları da süd verdiyi uşağın bacı-qardaşlarına məhrəm olmurlar.

Məsələ 2112: Oğlan anasının və yaxud nənəsinin kamil süd verdiyi qızla evlənə bilməz. Həmçinin, bir şəxsin atasının arvadı onun atasına məxsus olan südlə bir qıza süd versə, oğlan o qızla evlənə bilməz.

Məsələ 2113: İnsan, bacısının, yaxud qardaşı arvadının qardaşına məxsus olan südlə kamil süd verdiyi qızla məhrəmdir və onunla evlənə bilməz. Həmçinin, insanın bacısı, yaxud qardaşı uşaqları, insanın bacısı, yaxud qardaşı nəvələri o qıza süd versələr, yuxarıda qeyd edilən hökmlə eynidir.

Məsələ 2114: Müstəhəb ehtiyata əsasən, qadın nəvəsinə və qızının ərinin başqa arvaddan olan uşağına kamil süd verməsin.

Məsələ 2115: Qadının öz oğlan nəvəsinə süd verməsinin maneəsi yoxdur.

Məsələ 2116: Əgər bir qadın bir uşağa süd versə, doqquz şərtlə məhrəmliyə səbəb olacaq:

1- Süd doğumdan olsun; Deməli uşaq doğulmamışdan qadının döşündən süd gəlsə və bir uşaq o südü əmsə, məhrəmliyə səbəb olmur.

2- Uşaq diri qadının döşündən süd əmsin; Deməli ölmüş qadının döşündən süd əmsə, faydası yoxdur (məhrəmlik yaratmır).

3- O qadının südü haramdan olmasın; Deməli zinadan dünyaya gələn uşağın südünü başqa uşağa versələr uşaq o süd vasitəsilə heç kəsə məhrəm olmur.

4-Südü döşdən əmməlidir. Lakin, vacib ehtiyata əsasən, əgər südü uşağın boğazına töksələr, o qadın və onun məhrəmləri ilə evlənməsinlər.

5-Südü başqa şeylə qarışdırmasınlar.

6-Süd bir ərə məxsus olmalıdır. Bu baxımdan, südü olan qadın təlaq verib başqa birisinə ərə getsə və ondan hamilə olsa və doğuş vaxtı birinci ərinə aid olan süd qalsa, məsələn, bir uşağı səkkiz dəfə birinci ərinə aid olan südlə və yeddi dəfə ikinci ərinə aid olan südlə əmizdirsə, o uşaq heç kəsə məhrəm olmur. Həmçinin, bir qadın birinci ərinə aid olan südlə bir uşağa kamil süd versə və sonra ikinci ərinə aid olan südlə başqa bir uşağa süd versə, o iki nəfər bir-birlərinə məhrəm olmurlar.

7-Uşaq xəstəlik səbəbilə əmdiyi südü qaytarmasın. Əgər qaytararsa ehtiyat vacibə görə gərək süd əmmək vasitəsilə o uşağa məhrəm olacaq şəxslər onunla evlənməsinlər və ona məhrəm baxışlarla baxmasınlar.

8-Uşaq 15 dəfə və yaxud bir gecə-gündüz, sonrakı məsələdə qeyd ediləcək halda kamil süd yesə və yaxud ona, camaatın "o südlə sümüyü bərkimiş, bədəni ətə gəlmişdir” dediyi qədər süd versələr və müstəhəb ehtiyata əsasən, əgər 10 dəfə süd yesə, süd yemək vasitəsi ilə ona məhrəm olanlar, onunla evlənməsinlər və ona məhrəm baxışlarla baxmasınlar.

9-Uşaq iki yaşa çatmamış olsun. Bu baxımdan, iki yaş tamam olandan sonra ona süd versələr, kiməsə məhrəm olmur. Hətta iki yaşı tamam olmazdan öncə 14 dəfə və sonra bir dəfə süd yesə, bir kəslə məhrəm olmur. Lakin, arvadın doğuş tarixindən iki ildən çox ötmüş olsa və həmin südlə bir uşağı yedirtsə, vacib ehtiyata əsasən, süd yeməklə ona məhrəm olan qadınlarla evlənməsin və məhrəm baxışlarla onlara baxmasın.

Məsələ 2117: Öndə qeyd edilən məsələdə deyildiyi kimi, bir uşaq bir gecə-gündüz bir qadının südünü yesə, məhrəmliyə səbəb olar. Lakin, bir gecə-gündüz arasında başqa arvadın yemək və yaxud südünü yeməməlidir; amma yemək çox az olduğundan hesaba gəlməsə, istisnadır. Həmçinin, 15 dəfə süd yemək arasında başqa bir arvadın südünü yeməməli və hər dəfədə doyunca süd yeməlidir. Ehtiyata əsasən, 2 dəfə naqis halda (qidalanmaq) nə iki dəfə hesab olunur, nə də bir dəfə.

Məsələ 2118: Əgər bir qadın bir ərə məxsus olan süddən bir neçə uşağa süd versə, onların hamısı bir-birlərinə, ərə və onlara süd verən arvada məhrəm olurlar. Habelə, bir nəfərin bir neçə arvadı varsa və onlardan hər biri bir uşağa kamil süd versələr, o uşaqlar bir-birlərinə, o kişiyə və o qadınların hamısına məhrəm olurlar.

Məsələ 2119: Əgər bir qadın ərinə məxsus olan süddən bir oğlan və bir qıza kamil süd versə onlar bir-birinə məhrəm olurlar. Lakin, onların bacı-qardaşları bir-birlərinə məhrəm olmurlar.

Məsələ 2120: Kişi arvadının icazəsi olmadan arvadın süd bacısı və yaxud qardaşı uşaqları ilə evlənə bilməz. Habelə, vacib ehtiyata əsasən, bir oğlanla (Allaha pənah aparırıq) ləvat edibsə, o oğlanın süd qızı və süd anasının bacısı ilə evlənməsin.

Məsələ 2121: Bir kəsin qardaşına süd verən qadın həmin şəxsə məhrəm olmur. Amma ehtiyat müstəhəb budur ki, onunla evlənməsin.

Məsələ 2122: İnsan iki bacı ilə – hətta süd bacısı olsalar belə, evlənə bilməz. Əgər iki qadını nikah edib sonradan bacı olduqlarını başa düşsə, birinci nikah düzgün, ikincisi isə batildir. Əgər nikah eyni zamanda olubsa, hər ikisi batildir.

Məsələ 2123: Əgər qadın ərinə məxsus olan süddən aşağıdakı şəxslərə süd versə əri ona haram olmur lakin, bu işi etməməsi daha yaxşıdır:

1-Öz bacı və qardaşına;

2-Öz əmisi, bibisi, dayısı və xalasına;

3-Əmisi və dayısı övladlarına;

4-Öz qardaşı övladlarına;

5-Ərinin qardaşını, yaxud ərinin bacısına;

6-Öz bacısı uşaqları və yaxud ərinin bacısı uşaqlarına;

7-Ərinin əmisi, bibisi, dayısı və xalasına;

8-Ərinin başqa arvaddan olan nəvəsinə;

Məsələ 2124: Əgər bir kəs insanın bibisinin və ya xalasının qızına süd versə, həmin şəxsə məhrəm olmur. Amma ehtiyat müstəhəb budur ki, onunla evlənməsin.

Məsələ 2125: Bir kişinin iki arvadı olsa və onlardan biri o biri qadının əmisi uşağına süd versə, onun əmi övladlarına süd verən qadın öz ərinə haram olmur.